‘टेलिकम प्याकेज’ सकिएपछि पनि सेवा निरन्तरतासम्बन्धी सुविधा ग्राहक आफैँले छनोट गर्नसक्ने
काठमाडौँ । नेपाल टेलिकमले जिएसएम प्रिपेड तथा पोस्टपेडका ग्राहकहरुले प्याकेज खरिद गरेर वा नियमित शुल्क भुक्तानी गरी डेटा सुविधा प्रयोग गरिरहेकामा अब प्याकेज खरिद गरेका ग्राहकरुले आफैँले ‘पे–जी’ सुविधा सक्रिय वा निष्क्रिय गर्नसक्ने व्यवस्था गरेको छ ।
प्याकेजमा आधारित विभिन्न सुविधा लिएका ग्राहकले प्याकेज समाप्ति पछि पनि सेवा निरन्तरता हुने वा सेवा बन्द हुने भन्नेसम्बन्धी छनोट गर्ने अवस्थालाई ‘पे–जी’ सुविधा भनिन्छ । अबदेखि ग्राहकले आफ्नो चाहनाअनुसार सो सुविधा सक्रिय वा निष्क्रिय पार्न सक्ने टेलिकमले जनाएको छ ।
Watch On
यसका लागि ग्राहकले आफ्नो मोबाइलबाट *४४४# डायल गर्नुपर्नेछ । त्यसपछि ४ अङ्क छनोट गरे पछि यो सुविधा सक्रिय, निष्क्रिय गर्न र यसको अवस्था थाहा पाउन क्रमशः १, २ र ३ डायल गर्नुपर्नेछ । प्याकेज खरिद गरेका ग्राहकले ‘पे–जी’ सुविधा निष्क्रिय गराएको अवस्थामा प्याकेज सकिए पछि मुख्य ब्यालेन्सबाट डेटा चल्ने छैन ।
पे–जी सुविधा सक्रिय गराएको अवस्थामा प्याकेज सकिए पछि पनि डेटा सेवा निरन्तर चल्नेछ । प्याकेज नलिई डेटा चलाउन आवश्यक भएका ग्राहकहरुले भने यो सुविधा सधैँ सक्रिय राख्नुपर्नेछ । सञ्चार तथा सूचना प्रविधि मन्त्रालयको सुधारात्मक कार्ययोजनाको बुँदा नम्बर ४ मा समेत सो सुविधा ‘निष्क्रिय गर्ने विकल्प दिइने’ भन्ने उल्लेख छ ।
मन्त्रालयको निर्देशनअनुसार पनि कम्पनीले उक्त सुविधा निष्क्रिय गर्ने विकल्प उपलब्ध गराइएको टेलिकमका प्रवक्ता रवीन्द्र मानन्धरले जानकारी दिए। आगामी दिनमा नेपाल टेलिकम ‘एप’बाट यो सेवा सक्रिया वा निष्क्रिय गर्न सकिने विकल्प क्रमशः उपलब्ध हुने कम्पनीले जनाएको छ ।
प्रिपेड तथा पोष्टपेड ग्राहकले ‘डेटा प्याकेज’ लिएको अवस्थामा अब ९० प्रतिशत खपत भएपश्चात् एसएमएसबाट जानकारी पाउनेछन् । यसअघि ‘डेटा भोल्युम’ ८० प्रतिशत खपत भएको अवस्थामा, डेटा भोल्युम समाप्त भएपश्चात् वा डेटा प्याकेजको समयावधि समाप्त भएपश्चात् ग्राहकहरुलाई जानकारी दिन एसएमएस पठाउने सुविधा थियो ।
यसअघि डेटा प्याकेजको भोल्युम वा समयावधि समाप्त भएपश्चात् ग्राहकहरुले डेटा सेवाको प्रयोग निरन्तर राखेमा ‘मेन ब्यालेन्स’बाट डेटा चल्ने र चलेको भोल्युमअनुसार शुल्क काटिने व्यवस्था थियो । टेलिकमले प्रिपेड तथा पोस्टपेड ग्राहकको मागबमोजिम विभिन्न प्रकारका डेटा प्याकेज उपलब्ध गराउँदै आएको छ ।
-1779691805.jpg)
५० युनिटभन्दा बढी विद्युत् खपतमा १३ प्रतिशत भ्याट भन्दै सञ्चार माध्यमले फैलाए भ्रम!
सञ्चारमाध्यममा आएका दाबीको सत्यता जाँच्न नेपालफ्याक्टचेकले तथ्य जाँचको मुख्य प्राथमिक स्रोतको रूपमा शुक्रबार संसद्मा प्रस्तुत आगामी आर्थिक वर्ष २०८३/०८४ को बजेट वक्तव्य र आर्थिक विधेयक, २०८३ को अध्ययन... आइतबार, जेठ १७, २०८३
एसियन गेम्स छनोटः चीनविरुद्ध नेपालको सानदार जित
दोस्रो विकेटका लागि कुशल भुर्तेल र कुशल मल्लले १ सय ७५ रनको साझेदारी गरे। योसँगै भुर्तेल र मल्लले सन् २०१९ मा सिंगापुर टी-२० त्रिकोणात्मक सिरिजमा पारस खड्का र... आइतबार, जेठ १७, २०८३
धुलिखेल–खावा खण्डमा काम सुस्त (तस्बिरहरु)
बिटुमिन, क्रसिङ सामग्रीलगायत आवश्यक निर्माण सामग्रीको आपूर्तिमा समस्या देखिएपछि अन्तिम चरणका काम प्रभावित बनेका छन्। निर्माण सामग्री समयमै उपलब्ध हुन नसक्दा केही दिनयता निर्माणस्थलमा उल्लेखनीय गतिविधि देखिएको छैन। आइतबार, जेठ १७, २०८३
सुनको भाउ एकैदिन २० हजार ५ सयले बढ्यो
नेपाल सुनचाँदी व्यवसायी महासंघका अनुसार सुनको मूल्य तोलामा तीन लाख ११ हजार एक सय रूपैयाँ पुगेको छ । आइतबार, जेठ १७, २०८३भर्खरै
- ५० युनिटभन्दा बढी विद्युत् खपतमा १३ प्रतिशत भ्याट भन्दै सञ्चार माध्यमले फैलाए भ्रम!
- एसियन गेम्स छनोटः चीनविरुद्ध नेपालको सानदार जित
- धुलिखेल–खावा खण्डमा काम सुस्त (तस्बिरहरु)
- सुनको भाउ एकैदिन २० हजार ५ सयले बढ्यो
- रास्वपाको भरतपुर महानगर सभापतिमा सीता ज्ञवाली निर्वाचित
- अमेरिकाबाट नेपाल फर्किएका श्यामहरिको टर्किस एयरलाइन्स भित्रै मृत्यु
- एक पूर्वप्रहरीको अपराध श्रृंखला: जागिर छाडेर पेसेवर लुटेरा बने, कारागारबाट भागे
- टिकटकर तुलसीलाई इन्टरपोलले थाइल्यान्डमा पक्राउ गरी नेपाल पठायो
