पूर्वाधार

सरकारी अस्पतालहरुमा डिजिटल रिपोर्ट निकाल्ने व्यवस्था गर्दैछौंः मन्त्री मेहता

सिधाकुरा

आइतबार, चैत २९, २०८२

सरकारी अस्पतालहरुमा डिजिटल रिपोर्ट निकाल्ने व्यवस्था गर्दैछौंः मन्त्री मेहता

काठमाडौँ । स्वास्थ्यमन्त्री निशा मेहताले सबै सरकारी अस्पतालहरुमा छिटै डिजिटल रुपमा नै रिपोर्ट निकाल्ने व्यवस्था गरिने बताएकी छन् ।

आइतबार काठमाडौंको बीर अस्पतालको अनुगमनका क्रममा बिरामी र बिरामीका आफन्तहरुको गुनासो सुन्दै मन्त्री मेहतले उपचार गर्न आउने आफैले डिजिटल रुपमा नै रिपोर्ट निकाल्ने व्यवस्था गर्न लागिएको बताएकी हुन्।

Watch On

अस्पतालमा उपचार गर्न आएकाले स्वास्थ्य परिक्षणको रिपोर्ट आउन ढिलाई हुँदा समस्यामा पर्ने गरेको गुनासो गरेका थिए । अस्पताल प्रशासनले भने दैनिक ५ हजारको संख्यामा विरामीले बहिरंग सेवा लिने गरेकाले रिपोर्ट आउन ढिलाई भएको जनाएको छ ।

मन्त्री मेहताले स्वास्थ्य परिक्षणको रिपोर्ट लिन अव अस्पताल आउन नपर्ने गरि छिटै व्यवस्था गरिने उल्लेख गरिन । साथै उनले अस्पतालमा उपचार गर्न आउनेलाई बाहिर औषधी किन्नुपर्ने अवस्था आउन नदिन अस्पताल प्रशासनको ध्यानाकर्षण समेत गराएकी थिइन्।

अस्पतालको अनुगमनपछि सञ्चारकर्मीलाई संक्षिप्त प्रतिक्रिया दिदै मन्त्री मेहताले समग्र स्वास्थ्य क्षेत्रको सुधारको योजनाहरु छिटै सार्वजनिक गरिने जानकारी दिएकी थिइन्। सरकारको निर्देशनपछि सार्वजनिक विदाको दिन आइतबार पनि अस्पतालहरुमा बहिरंग सेवा सञ्चालन गरिएको छ ।

प्रकाशित मिति: आइतबार, चैत २९, २०८२

प्रतिक्रिया दिनुहोस्