नेताका कुरा

महाधिवेशनका लागि पाँचवटा प्रतिवेदन लेख्दै महामन्त्री भूपदेव शाह

सिधाकुरा

बिहीबार, असार ४, २०८३

महाधिवेशनका लागि पाँचवटा प्रतिवेदन लेख्दै महामन्त्री भूपदेव शाह

काठमाडौँ । राष्ट्रिय स्वतन्त्र पार्टीका महामन्त्री भूपदेव शाहले ७-९ असारसम्म चितवनमा हुने प्रथम राष्ट्रिय महाधिवेशनका लागि प्रतिवेदन लेखनको कामलाई गति दिएका छन् ।

महामन्त्री शाहको संयोजकत्वमा गठित प्रतिवेदन समन्वय उपसमितिले पाँचवटा प्रतिवेदनहरु लेखिरहेको छ ।

Watch On

महामन्त्री शाहले महाधिवेशनमा पाँचवटा प्रतिवेदन पेस हुने बताए । ‘राजनीतिक प्रतिवेदन सभापतिले पेस गर्नुहुन्छ । सांगठनिक प्रतिवेदन महामन्त्रीहरूले पेस गर्नुहुन्छ । यसैगरी लेखा आयोग प्रतिवेदन, निर्वाचन आयोग प्रतिवेदन र अनुशासन आयोग प्रतिवेदन पेस हुन्छ,’ शाहले भने ।

पाँचवटै प्रतिवेदनको मस्यौदाका लागि पाँचजना फोकल पर्सनहरू तोकेर विशेषाधिकार प्रदान गरिएको शाहले बताए । राजनीतिक प्रतिवेदनका लागि गणेश कार्की, सांगठनिक प्रतिवेदनका लागि सञ्जीव भट्टराई, लेखा निशा डाँगी, निर्वाचन सागर ढकाल र अनुशासन अरनिको पाँडेलाई जिम्मा दिइएको छ । ‘मैले संयोजन गर्छु । थप डकुमेन्ट बनाउनुपर्ने हो कि दस्ताबेजीकरण गर्ने कुरामा हेर्छु । अरू उपसमितिसँग समन्वय सहकार्य पनि भइरहेको छ,’ उनले भने । महामन्त्री शाहले महाधिवेशनले एकीकरण र समायोजनको सन्देश दिने पनि बताए ।

प्रकाशित मिति: बिहीबार, असार ४, २०८३

प्रतिक्रिया दिनुहोस्