महाधिवेशनमा सघाउनेलाई धन्यवाद, तीन आयोगमा नेतृत्व

सिधाकुरा

बुधबार, असार १७, २०८३

महाधिवेशनमा सघाउनेलाई धन्यवाद, तीन आयोगमा नेतृत्व

काठमाडौँ । राष्ट्रिय स्वतन्त्र पार्टी(रास्वपा) को पहिलो महाधिवेशनबाट निर्वाचित केन्द्रीय समितिको पहिलो बैठकले महाधिवेशन सम्पन्न सहयोग गर्ने सबै पक्षलाई धन्यवाद दिएको छ ।

आज नवनिर्वाचित पदाधिकारी तथा सदस्यहरुको शपथपछि केन्द्रीय कार्यालय घण्टीघर चमतीमा बसेको पहिलो बैठकले प्रथम महाधिवेशन सम्पन्न गर्न सहयोग गर्ने सबैलाई धन्यवाद दिएको हो ।

Watch On

त्यस्तै, बैठकले सभामुख एवम् पूर्वउपसभापति डोलप्रसाद (डीपी) अर्यालले पार्टी निर्माणमा पुर्याएको योगदानको कदर गर्दै धन्यवाद ज्ञापन गरेको छ । सभापति रवि लामिछानेले पूर्वउपसभापति अर्याललाई धन्यवाद दिने प्रस्ताव बैठकमा पेश गरेका थिए । बैठकले उक्त प्रस्तावलाई सर्वसम्मत पारित गरेको हो ।

पहिलो बैठकले पार्टीका तीन आयोग– केन्द्रीय निर्वाचन आयोग, लेखा आयोग र अनुशासन आयोगको नेतृत्व तय गरेको छ । निर्णय अनुसार निर्वाचन आयोग र लेखा आयोगमा यसअघिकै प्रमुखलाई निरन्तरता दिइएको छ । निर्वाचन आयोग प्रमुखमा भुवन केसी र लेखा आयोग प्रमुखमा अभिशेक घिमिरेले निरन्तरता पाएका छन् ।

अनुशासन आयोगको प्रमुखमा भने कास्कीका लेखनाथ पौडेल नियुक्त भएका छन् । यसअघि रमाकान्त रिमाल अनुशासन आयोग प्रमुख थिए ।

प्रकाशित मिति: बुधबार, असार १७, २०८३

प्रतिक्रिया दिनुहोस्