क्रोएसियालाई पराजित गर्दै पोर्चुगल विश्वकपको अन्तिम १६ मा प्रवेश

काठमाडौँ । क्रोएसियालाई पराजित गर्दै पोर्चुगल विश्वकपको अन्तिम १६ मा प्रवेश गरेको छ । 

क्यानडाको टोरन्टोस्थित टोरन्टो स्टेडियममा शुक्रबार विहान सम्पन्न खेलमा क्रोएिसयालाई २-१ गोलले पराजित गर्दै पोर्चुगल अन्तिम १६ स्थान बनाएको हो । 

Watch On

खेलको पहिलो हाफ बराबरीमा सकिएकोमा दोस्रो हाफमा क्रोएसियाले गोल गर्दै अग्रता लिएको थियो । क्रोएिसयाका इभान पेरिसिचले खेलको ५३ मिनेटमा गाेल गरेर अग्रता दिलाएका थिए । 

खेलको ६८ मिनेटमा पोर्चुगलका क्रिस्टियानो रोनाल्डोले पेनाल्टी गोल गर्दै १-१ को बराबरीमा ल्याए । खेलको ९४ मिनेटमा पोर्चुगलकै गोन्सालो रामोसले अर्को गोल थप्दै टिमलाई अग्रता दिलाए । 

केही मिनेट अन्तरमा क्रोएिसयाले गोल फर्काए पनि अफसाइड हुँदा मान्यता पाएन र पोर्चुगल विजयी हुँदै अन्तिम १६ मा प्रवेश गरेको हो । 

अन्तिम १६ मा अब पोर्चुगलले आगामी मंगलबार स्पेनसँग खेल्नेछ ।  

स्पेनले अस्ट्रियालाई हरायो

अस्ट्रियालाई  पराजित गर्दै स्पेन फिफा विश्वकप फुटबल २०२६ को अन्तिम १६ मा पुगेको छ । 

अमेरिकाको लस एन्जल स्टेडियममा आज भएको खेलमा अस्ट्रियालाई ३–० गोलअन्तरले  पराजित गर्दै विश्वकपको अन्तिम १६ मा स्थान बनाएको हो । 

स्पेनले १६ वर्षपछि विश्वकपको नकआउट चरणमा पहिलो जित हासिल  गरेको हो । सन् २०१० को विश्वकप जिते यता स्पेनले विश्वकपको नकआउट चरणमा जित हासिल गर्न  सकेको थिएन ।

स्पेनले खेलको  ३६औँ  मिनेट मार्क कुकुरेलाको पासमा मिकेल ओयार्जाबालले गोल गर्दै स्पेनलाई सुरुवाती अग्रता दिलाए । खेलको  ६६औँ मिनेटमा अलेक्स बाएनाको क्रसमा पेड्रो पोरोले हेडमार्फत गोल गर्दै स्पेनको अग्रता दोब्बर बनाए ।

त्यसपछि खेलको ८९औँ मिनेटमा कुकुरेलाकै अर्को उत्कृष्ट पासमा ओयार्जाबालले व्यक्तिगत दोस्रो गोल गरेपछि स्पेनले ३–० को सहज जित निकाल्यो ।