नेताका कुरा

महावीर पुनले बालेनलाई किन बुझाएनन् कार्यप्रगति विवरण ?

सिधाकुरा

आइतबार, असार २१, २०८३

महावीर पुनले बालेनलाई किन बुझाएनन् कार्यप्रगति विवरण ?

काठमाडौँ । विज्ञान, प्रविधि तथा नवप्रवर्तन मन्त्री महावीर पुनले प्रधानमन्त्री बालेन्द्र शाहलाई कार्यप्रगति विवरण नबुझाएको खुलेको छ ।

सरकारको सय दिन पुगेको अवसरमा सबै मन्त्रालयले भएगरेका कार्यप्रगति विवरण बुझाउँदा मन्त्री पुनले भने नबुझाएका हुन् । विज्ञान मन्त्रालय ३० वैशाखमा स्थापना भएको थियो ।

Watch On

मन्त्री पुनले असार मसान्तमा प्रधानमन्त्री शाहलाई प्रगति विवरण बुझाउने बताए । 'धेरै काम भएको छैन । प्रधानमन्त्रीलाई पनि थाहा छ । किनभने केही पनि भएको छैन । जिरोबाट सुरु गर्नुपर्नेछ । ऐन नबनेसम्म अझै तीन चार महिना केही काम सुरूवात गर्न सक्दैनौं । तर, त्यो बेलामा हामी भविष्यमा के गर्छौं भनेर योजना ठिक पारेर राख्छौं । त्यसपछि भटाभट रातारात एक द्रुत गतिमा काम गर्छौ । काम गराइ द्रुत गतिमा हुनेछ । रफ्तारमा हुन्छ,' उनले भने, 'मैले यो मन्त्रालयमा के गर्नुपर्नेछ भनेर पहिले नै प्रधानमन्त्रीलाई ब्रिफ गरिसकेको छु । त्यहीअनुसार नै अगाडि बढ्छु ।'

मन्त्रीले मन्त्रालय चलाउन १२ वटा ऐन आवश्यक रहेको बताए । 'यस वर्ष चारवटा ऐन बनाउन प्रधानमन्त्रीलाई रिपोर्टिङ गरेको छु । अर्कोतिर मन्त्रालयको सचिव रिटायर्ड भएको छ । नयाँ सचिव खोज्दै छौं । योग्य पठाइदिनु भनेको छु,' उनले भने ।

प्रकाशित मिति: आइतबार, असार २१, २०८३

प्रतिक्रिया दिनुहोस्