अभागी नेयमारः पेलेको रेकर्ड तोडे, तर जिताउन सकेनन् विश्वकप, अन्त्यमा लिए सन्यास

काठमाडौँ । लामो समयदेखि चोट, लगातार खराब प्रदर्शनपछि मैदानमा लय समात्न खोजेको दुई सातामै ब्राजिलका सुपरस्टार नेयमारले अन्तर्राष्ट्रिय फुटबलबाट सन्यास लिएका छन् । लगातार विश्वकपमा असफल भएपछि नेयमारले हार मान्दै यो निर्णय लिएका हुन् । 

३४ वर्षीय नेयमारलाई घाइते हुँदा पनि इटालियन प्रशिक्षक कार्लाे एन्सोलोटीले २३ औं संस्करणको विश्वकपको लागि टिममा लिने निर्णय लिएका थिए । एन्सोलोटीले अनुभवी खेलाडी महत्त्वपूर्ण खेलमा काम लाग्ने सोचले टिममा समेटेका थिए ।

Watch On

नर्वेविरुद्ध २–१ ले हार्दा नेयमार ६७ मिनेटमा मैदान प्रवेश गरेका थिए । उनले इन्जुरी समयमा पेनाल्टीमा एक गोल पनि गरे । तर, त्यतिबेलासम्म ब्राजिल नर्वेसँग २–० ले पछि परिसकेको थियो । दुई वर्षपछि कमब्याक गर्दा गोल त गरे, तर टिमलाई हारबाट जोगाउन सकेनन् । सन् २००२ मा विश्वकप जितेको ब्राजिल त्यसपछि लगातार कमजोर प्रदर्शन गर्दैजाँदा यसपटक त अन्तिम १६ बाट माथि पनि बढ्न सकेन । घर फर्कियो ।

अन्ततः लामो समय लगातार चोटसँग संघर्ष गरिरहेका नेयमारले यो यात्रा अगाडि नबढाउने निर्णय लिए । उमेर नै हेर्ने हो भने बल्ल ३४ वर्ष पुगे नेयमार, अहिले ४१ वर्षका क्रिष्टियानो रोनाल्डो र ३९ वर्षीय लियोनल मेसीले विश्वकप खेलिरहेका छन् । 
नेयमारले पनि थप २०३० को विश्वकप खेल्न सक्थे । तर, लगातार घाइते हुनु र व्यवसायिक करियरमा समेत लगातार धक्का लाग्न थालेपछि नेयमारले अन्तर्राष्ट्रिय फुटबलबाट आफ्नो बुटलाई विश्राम दिएका छन् । 

नेयमारले आफ्नो अन्तर्राष्ट्रय डेब्यु जुन मैदानबाट गरेका थिए, अमेरिकाको त्यही मेटलाइफ मैदानबाटै अन्तर्राष्ट्रिय खेल नखेल्ने निर्णय लिए । ‘मैले प्रयास गरेँ । तर, सकिन,’ खेलपछि नेयमारले भावुक हुँदै भने, ‘यहीँबाट सुरु गरेको थिएँ, यहीँबाट अन्त्य पनि गरँे ।’

पराजित भएपछि नेयमारले आशु थाम्न सकेनन् । मैदानमै केही समय रोकिए । 

सन् २०१० अगष्ट १० मा यही मैदानबाट नेयमारले घरेलु टोली अमेरिकाविरुद्ध डेब्यु गरेका थिए । त्यसयता नेयमार ब्राजिलको लागि सर्वाधिक गोलकर्ता समेत हुन् । उनले १३० खेलमा ८० गोल गरिसकेका छन् । त्यस्तै  ५८ असिष्ट गरेका छन् । यसक्रममा उनले ब्राजिलका सर्वकालिन महान खेलाडी पेलेको कीर्तिमान समेत तोडेका थिए । 

नेयमार राष्ट्रिय टिमबाट डेब्यु गर्दा मात्र १८ वर्षका थिए । लगातार विश्व फुटबलमा सानदार प्रदर्शन गरेपछि नेयमारलाई ब्राजिलको भविष्यको रुपमा हेरिएको थियो । पेलेको उत्तराधिकारी मानिएको थियो । ब्राजिलले  सन् २००२ सम्म पाँच पटक विश्वकप जितिसकेको थियो । नेयमारले छैटौं पु¥याउँछन् भन्ने धेरैैले आशा गरेका थिए । तर, उनी खेल्दा सन् २०१४ मा चौथो हुनुबाहेक उपलब्धी हासिल गरेका गर्न सकेनन् ।  

सन् २०१६ को ओलम्पिकमा भने नेयमारले ब्राजिललाई  गोल्ड मेडल जिताए । 

नेयमार सम्मिलित ब्राजिल सन् २००२ मा पाँचौं पटक विश्वकप जितेपछि सधैँ युरोपेली राष्ट्रविरुद्ध कमजोर सावित हुँदै गयो । 

सन् २००६ मा जर्मनीमा भएको विश्वकपमा ब्राजिलले क्वाटरफाइनलसम्मको मात्रै यात्रा तय गर्यो । त्यतिबेला ब्राजिल ग्रुप एफमा थियो । समूहचरणको तीन खेल नै जितेर टप गरेको थियो । उक्त ग्रुपमा क्रोसिया, अष्ट्रेलिया र जापान थिए । राउण्ड अफ १६ मा घानालाई ३–० ले हराएर क्वाटरफाइनल पुगेको थियो । त्यसपछिको यात्रामा चम्किरहेका जिनेदिन जिदान रहेको फ्रान्ससँग १–० ले पराजित भएर घर फर्कियो । 

सन् २०१० को विश्वकपको समूह जी मा तीन मध्ये दुई खेल जितेर समूह विजेता बन्यो । अन्तिम १६ मा चिलीलाई ३–० ले हराउँदा क्वार्टरफाइनलमा भने नेदरल्यान्ड्ससँग २–१ ले पराजित हुँदै बाहिरियो । 

सन् २०१४ मा आफूले आयोजना गरेको विश्वकपमा पनि ब्राजिल नै उपाधि जित्ने अनुमान गरिएको थियो । त्यसपटक पनि समूह विजेता बन्दै नकआउटमा पुग्यो । राउण्ड १६ मा चिलीलाई हरायो । क्वार्टरफाइनलमा कोलम्बियालाई पनि २–१ ले हराएको थियो । तर, सेमिफाइनलमा भने जर्मनीसँग ७–१ को लज्जास्पद हार बेहोर्न पुग्यो । तेस्रो स्थानको प्रतिस्पर्धामा समेत नेदरल्यान्ड्सँग फेरि ३–० ले चुक्यो । 

सन् २०१८ मा भएको विश्वकपमा पनि ब्राजिलले सोचेको जस्तो प्रदर्शन गर्न सकेन । समूह इ मा कोष्टारिका र सर्वियालाई हराउँदा स्विजरल्यान्डससँग बराबरी खेल्यो । नकआउटको पहिलो खेलमा मेक्सिकोलाई २–० ले हराउँदा क्वार्टरफाइनलमा भने फेरी युरोपेली राष्ट्र बेल्जियमसँग २–१ ले निराश हुन पुग्यो । 

सन् २०२२ को विश्वकपमा अमेरिकी टिम अर्जेन्टिना तेस्रो पटकको लागि च्याम्पियन बन्यो । ब्राजिल फेरि क्वार्टरफाइनलमै अड्कियो । यसपटक पनि युरोपेली राष्ट्र क्रोएसियासँग पेनाल्टी सुटआउटमा अभागी बन्यो । निर्धारित समयको खेल १–१ को बराबरी खेल्दा पेनाल्टीमा भने ४–२ ले स्तब्ध बन्यो । 

अमेरिका, मेक्सिको र क्यानाडाले आयोजना गरेको यो विश्वकपमा नेयमारले घाइते हुँदाको बाबजुद दुई खेल खेले । स्कटल्यान्डविरुद्ध ७६ मिनेटमा मैदान प्रवेश गरेका थिए । दुई वर्षपछिको कमब्याक खेलमा गोल गर्न सकेनन् । नर्वेविरुद्ध ६७ मिनेटमा मैदान छिरे र एक गोल गरे । यो गोलसँगै नेयमारले विश्वकपको १५ खेलमा गोलसंख्या ९ पु¥याएका छन् । 

मेसीसँग खेल्दा करियरकै उच्च लयमा

नेयमारले आफ्नो व्यवसायिक करियर भने ब्राजिलको सान्तोषबाट सुरु गरेका थिए । उनले सान्तोषबाट सन् २००९ देखि २०१३ खेले । त्यसक्रममा १७९ खेल खेले र १०७ गोल गर्न सफल भएका थिए । 

उच्च लयमा देखेपछि स्पेनिस महारथी बार्सिलोनाको नजर नेयमारमा प¥यो । बार्सिलोनाले लियोनल मेसी र लुइस स्वारेजको जोडीको रुपमा नेयमारलाई भित्र्यायो । पाँच वर्ष बार्सिलोनाबाट खेले । मेसी, स्वारेज र नेयमारको जोडी एमएसएन भनेर परिचित रह्यो । बार्सिलोनामा रहँदा कूल १८६ खेल खेले र १०५ गोल गरे । 

बार्सिलोनामा रहँदा उनले नजितेको उपाधि नै रहेन । युरोपकै चर्चित च्याम्पियन्स लिग देखि फिफा क्लब विश्वकप, ला लिगा, स्पेनिस सुपर कप, कोपा डेल रे लगायत धेरै उपाधि जिते । सन् २०११ मा  बार्सिलोनाले एमएसएनको अविस्मरणीय प्रदर्शनपछि ‘ट्रिवल’ नै जित्यो । 

बार्सिलोनामा पनि सानदार प्रदर्शन गरेपछि उनलाई कतारी मालिक रहेको पेरिस सेन्ट जर्मेन (पिएसजी)ले माटो रकम खर्चेर अनुबन्ध ग¥यो । सन् २०१७ मा पिएसजीले खरिद गर्दा नेयमार सर्वाधिक महँगो खेलाडी बनेका थिए । उनलाई पिएसजीले कीर्तिमानी युरो २२२ मिलियन खर्चेको थियो । 

तर, उनी पिएसजी पुगेपछि लगातार चोट बोक्न थाले । लगातार घाइते भए । फ्रेन्च लिगबाहेक ठूलो उपाधि जिताउनै सकेनन् । अन्ततः लगातार घाइते र बेन्चमै थन्किन परेपछि सन् २०२३ देखि पिएसजीबाट पनि बिदा लिए । 

उनको यात्रा अब भने ओरालो लाग्यो । साउदी क्लब अल हिलाल अनुबन्ध भए । सुरुको सिजनमै ठूलो चोट बोके । दुई वर्षमात्रै त्यहाँ बिताए । लगातार घाइते भएपछि ब्राजिलको टिममा पनि स्थान बनाउन सकेनन् । त्यसपछि सन् २०२५ मा सान्तोष आएका हुन् । र यसपटक विश्वकपमा कमब्याक गर्न सफल भएका थिए ।