समाज

लेखा समितिमा बेरुजु छलफल उपसमिति गठनको विषयमा सत्तापक्ष र विपक्षी सांसदहरुबीच विवाद

सिधाकुरा

मंगलबार, असार २३, २०८३

लेखा समितिमा बेरुजु छलफल उपसमिति गठनको विषयमा सत्तापक्ष र विपक्षी सांसदहरुबीच विवाद

काठमाडौँ । प्रतिनिधिसभा अन्तर्गतको सार्वजनिक लेखा समितिमा बेरुजु छलफल उपसमिति गठनका सम्बन्धमा विवाद भएको छ ।सिंहदरबारमा मंगलबार बसेको समिति बैठकमा उपसमितिको संयोजक र सदस्यमा रहने विषयमा सत्तापक्ष र प्रतिपक्षी सांसदहरुबीच विवाद भएको हो ।

बैठकमा रास्वपाका सांसदहरुले लेखा समितिको सभापति विपक्षी दलबाट रहेको अवस्थामा उपसमितिको संयोजक सत्तापक्षलाई दिनुपर्ने धारणा राखेका थिए भने प्रतिपक्षी दलका सांसदहरुले आफुहरुले सम्मानजनक भूमिका पाउनुपर्ने धारणा राखेका थिए ।

Watch On

समिति सदस्य खगेन्द्र सुनारले अल्पमतको मुनी रहेर बहुमतले काम गर्न नसक्ने बताए । उनले समितिको नेतृत्व प्रतिपक्षीले पाएको अवस्थामा उपसमितिको संयोजक सत्तापक्षलाई दिनुपर्ने अडान राखे ।

बैठकमा नेकपा सांसद महेन्द्र बहादुर शाहीले उपसमिति संयोजन छान्न अल्पमत वा बहुमतको प्रावधान भन्दा समावेशी तवरले समझदारी गरेर अघि बढ्नुपर्ने सुझाव दिए । रास्वपा सांसद खुस्बु ओलीले उपसमितिमा सम्मानजनक उपस्थिति हुनुपर्ने भन्दै कुनै प्रकारको विभेद स्वीकार्य नहुने धारणा राखिन् ।

उपसमिति संयोजकको विषयमा टुङ्गो नलागेपछि समिति सभापति भरत बहादुर खड्काले अर्को सूचना जारी नहुदासम्मका लागि बैठक स्थगित गरेका छन् ।

प्रकाशित मिति: मंगलबार, असार २३, २०८३

प्रतिक्रिया दिनुहोस्