नक्कली भुटानी शरणार्थी प्रकरणः को–को दोषी ठहर भए, क–कसले सफाई पाए ? (पूर्ण पाठ)

काठमाडौँ । जिल्ला अदालत काठमाडौँले नक्कली भुटानी शरर्णर्थी प्रकरणमा फैसला गरेको छ । न्यायाधीश तेजबहादुर खड्का इजलासले कसुर ठहर आदेश गरेको हो । 

फैसलामा तत्कालिन गृहमन्त्री बालकृष्ण खाँड ठगी तथा संगठित अपराधको कसूरमा मतियार रहेको ठहर गरेको छ । त्यस्तै खाँडलाई राज्यविरुद्धको कसुर र एकिकृत कसुरमा पनि मतियार रहेको ठहर गरेको छ । 

Watch On

त्यस्तै पूर्वमन्त्री टोपबहादुर रायमाझीलाई राज्यविरुद्धको कसुर, एकिकृत कसुर, ठगी तथा संगठित अपराधमा दोषी ठहर गरेको छ । 

पूर्व गृहसचिव टेक नारायण पाण्डे, कांग्रेस नेतृ सुजाता कोइरालाका तत्कालीन स्वकीय केशव प्रसाद दुलाल पनि राज्य विरुद्धको कसुरमा दोषी ठहर भएका छन्। शरणार्थी नेता टेकनाथ रिजालसहित तीन जना लिखित कीर्तेमा दोषी ठहर भएका छन्।

प्रतिवादीहरु मध्ये केशव प्रसाद दुलाल, सानु भण्डारी, सागर राई, सन्देश शर्मा, डा. इन्द्रजीत राई, विक्रम भन्ने गोविन्द कुमार चौधरी, आडटावा शेर्पा, टेक नारायण पाण्डे र टोप बहादुर रायमाझीले वादी नेपाल सरकारको अभियोग मागदावी बमोजिम आरोपित ठगी तथा संगठित अपराधको कसूर गरेको ठहर गरेको छ । 

उक्त मुद्दामा ७ जनाले सफाई पाएका छन् । सफाई पाउनेमा रामशरण के.सी., टंक कुमार गुरुङ, सन्दीप रायमाझी, प्रतिक थापा, लक्ष्मी महर्जन, केशव तुलाधर र आशिष बुढाथोकी रहेका छन् । 

दाेषी ठहर भएकालाई सजाय भने तोकिएको छैन । सजाय निर्धारणको लागि अर्को पेसी तोकिने बताइएको छ । 

यस्तो छ कसुर ठहर आदेशको पूर्णपाठ: