नेताका कुरा

ओली नेतृत्वमा रहने वा नरहने निष्कर्ष निकाल्ने जिम्मा बादल र शंकर पोखरेललाई

सिधाकुरा

शुक्रबार, असार २६, २०८३

ओली नेतृत्वमा रहने वा नरहने निष्कर्ष निकाल्ने जिम्मा बादल र शंकर पोखरेललाई

काठमाडौँ । नेकपा एमाले पुनर्गठन कार्यदलको प्रतिवेदन तयार गर्ने जिम्मेवारी कार्यदलका संयोजक एवं पार्टी उपाध्यक्ष रामबहादुर थापा र सदस्य-सचिव एवं पार्टी महासचिव शङ्कर पोखरेलले पाएका छन् ।

कार्यदलको बिहीबार बसेको बैठकले कार्यदलको मस्यौदा प्रतिवेदन तयार गर्ने जिम्मेवारी बादल र पोखरेललाई दिएको प्रचार विभाग प्रमुख निरज आचार्यले बताए ।

Watch On

कार्यदलले देशभर विभिन्न १३ स्थानमा छलफल गर्दै पार्टीपंक्तिबाट सुझाव संकलन गरेको छ । अब सुझावहरुलाई एकीकृत गरी प्रतिवेदन तयार गरिनेछ ।

कार्यदलका सदस्यहरुकाअनुसार पार्टीका ८७ प्रतिशत बढी सदस्य केपी ओलीलाई नेतृत्वबाट हटाउनुपर्ने पक्षमा छन् । ओली नेतृत्वमा रहने वा नरहने निष्कर्षसहितको प्रतिवेदन बनाउने जिम्मा बादल र पोखरेलले पाएका हुन् । बादल अहिले नैतृत्वको प्रतिरक्षामा छन् भने पोखरेल नेतृत्वसहित पुनर्गठनको पक्षमा छन् ।

बैठकले सुझाव संकलनकै सिलसिलामा व्यस्त रहेको अवस्थामा पार्टीका उपाध्यक्ष तथा कार्यदलका सदस्य कमरेड विष्णु पौडेललाई राजनीतिक प्रतिशोधपूर्ण तरिकाले गरिएको गिरफ्तारीप्रति निन्दा गर्दै यथाशीघ्र रिहाइको माग गरेकाे छ ।

प्रकाशित मिति: शुक्रबार, असार २६, २०८३

प्रतिक्रिया दिनुहोस्