फुटबल

अतिरिक्त समयमा स्विट्जरल्यान्डलाई पराजित गर्दै अर्जेन्टिना विश्वकपको सेमिफाइनलमा

सिधाकुरा

आइतबार, असार २८, २०८३

अतिरिक्त समयमा स्विट्जरल्यान्डलाई पराजित गर्दै अर्जेन्टिना विश्वकपको सेमिफाइनलमा

काठमाडौँ । खेलको अतिरिक्त समयमा स्विट्जरल्यान्डलाई पराजित गर्दै अर्जेन्टिना फिफा विश्वकप २०२६ को सेमिफाइनलमा प्रवेश गरेको छ ।

कान्सास सिटी स्टेडियममा आइतबार बिहान भएको क्वार्टरफाइनल खेलमा अर्जेन्टिनाले स्विट्जरल्यान्डलाई ३-१ गोलले पराजित गरेको हो ।

Watch On

खेलको १० मिनेटमै एलेक्सिस म्याक एलिस्टरले गोल गरेर अर्जेन्टिनालाई अग्रता दिलाएका थिए । दोस्रो हाफमा स्विट्जरल्यान्डले गोल फर्कायो । स्विट्जरल्यान्डका दान एनडोयेले ६७औ मिनेटमा गोल गरेका थिए ।

खेलको ७२औ मिनेट स्विट्जरल्यान्डका ब्रेल एम्बोलोले रातो कार्ड पाएका थिए । १० खेलाडीमा सीमित स्विट्जरल्यान्डले निर्धारित ९० मिनेटसम्म अर्जेन्टिनालाई रोकेको थियो ।

निर्धारित ९० मिनेटमा खेल १-१ बराबरीमा सकिएपछि ३० मिनेट अतिरिक्त समयमा प्रवेश गरेको थियो । अतिरिक्त समयमा अर्जेन्टिनाले दुई गोल थप्दै सेमिफाइनलमा स्थान बनाएको हो ।

अर्जेन्टिनाका लागि अतिरिक्त समयको ९ मिनेटमा जुलियन अल्भारेज र २२ मिनेटमा लौटरो मार्टिनेजले गोल गरेका थिए ।

जितसँगै अर्जेन्टिना सेमिफाइनल प्रवेश गर्दा स्विट्जरल्याण्ड विश्वकपबाट बाहिरिएको छ । अब अर्जेन्टिनाले इंग्ल्याण्डसँग सेमिफाइनल खेल्ने छ ।

प्रकाशित मिति: आइतबार, असार २८, २०८३

प्रतिक्रिया दिनुहोस्