अर्जेन्टिना भर्सेस इंग्ल्यान्डः तिक्ततापूर्ण इतिहास, खेललाई युद्ध र बदलासँग नजोड्न अपिल

काठमाडौँ । तीन पटकको विजेता अर्जेन्टिना र एक पटकको च्याम्पियन इंग्ल्यान्डबीचको सेमिफाइनल खेल बुधबार राति एटलान्टामा हुँदैछ । फिफा विश्वकपको यस खेललाई लिएर विभिन्न अड्कलबाजी सुरु भएका छन् । धेरैले यो खेललाई अर्जेन्टिना र इंग्ल्यान्डबीचको ४० वर्ष अघिको भेटलाई जोडेका छन् । त्यही बदला भावनामा खेल हुनपर्ने माग गरिरहेका छन् ।

तर, अर्जेन्टिनाका युद्ध दिग्गजहरुको समूहले फुटबल समर्थकलाई फुटबलतर्फ ध्यान केन्द्रित गर्न आग्रह गरेका छन् । अर्जेन्टिनाको युद्ध अनुभवी महासंघले सेमिफाइनलमा खेलमै केन्द्रित हुन अनुरोध गर्दै दक्षिण एटलान्टिक द्विपको संप्रभुताको दाबी नगर्न आग्रह गरे । उनीहरुले एटलान्टाको मैदान कुनै युद्धलाई लिएर दाबी गर्ने स्थान नभएको पनि प्रष्ट पारेका छन् । 

Watch On

अर्जेन्टिना र ब्रिटेनबीच सन् १९८२ मा फकल्यान्ड र अर्जेन्टिनाको माल्विनास नाम गरिएको द्धिपको लागि लडाई भएको थियो । जसमा ६४९ अर्जेन्टिनी सैनिक तथा २५५ ब्रिटिश लडाकु मारिएका थिए । यो युद्धको चार वर्षपछि इंग्ल्यान्ड र अर्जेन्टिना विश्वकपमा प्रतिस्पर्धा गरेका थिए । 

क्वार्टरफाइनलमा अर्जेन्टिनाले इंग्ल्यान्डलाई २–१ ले हरायो । जहाँ डिअगो म्यारोडोनाले हातले गोल गरेका थिए । जुन जितलाई युद्धको बदला लिएको दाबी गरिएको थियो । त्यसैले यो गोल निकै विवाद र चर्चित  भइरह्यो । फाइनलमा अर्जेन्टिनाले वेष्ट जर्मनीलाई हराउँदै दोस्रो पटक उपाधि जितेको हो । यो खेलपछि नै अर्जेन्टिना र इंग्ल्यान्डको खेललाई निकै ठूलो प्रतिद्वन्द्वीबीचको लडाई मानिन्छ । 

युद्ध अनुभवी महासंघले द्वन्द्वमा मारिएका अर्जेन्टिनी सैनिकहरुको सम्झनामा सम्मान गर्न आग्रह गर्दै कुनै हिंसात्मक कार्य नगर्न पनि अनुरोध गरेका छन् । उनीहरुले यो भिडन्त कुनै ऐतिहासिक सशस्त्र युद्ध नभएको पनि प्रष्ट पारेका छन् । 
 
विश्वकप चलिरहँदा अर्जेन्टिनाका समर्थकले खेलाडी, डिएगो म्याराडोना र लियोनल मेसीको ब्यानर, ड्रम, बाजा लिएर चौथो उपाधि जित्न एक गीत गाइरहेका छन् । यद्यपि, खेलअघि अर्जेन्टिनाका खेलाडी तथा कोचिङ स्टाफले प्रतिद्वन्द्वीताको चर्चा शान्त पार्ने कोशिस गरेका छन् । अर्जेन्टिनाका प्रशिक्षक लियोनल स्कोलानीले एटलान्टामा खेल खेल्दा दुबै पक्ष फुटबलमै केन्द्रित हुने र युद्धको दाबी गर्न नहुने बताउँछन् ।  

इंग्ल्यान्ड गोलकिपर जोर्डन पिकफोर्डले सोमबार सेमिफाइनल मात्र फुटबल केन्द्रित खेल हुने बताएका छन् । ‘सेमिफाइनलमा दुई गौरवशाली राष्ट्र प्रतिस्पर्धा गर्दैछन् । यहाँ मात्र फुटबलको कुरा हुन्छन् ।’

इंग्ल्यान्ड र अर्जेन्टिनाबीच अन्तर्राष्ट्रिय चर्चित खेल सन् १९८६ मा भएको थियो । तत्कालिन क्वार्टरफाइनलसहित केही चर्चित खेल भएका छन् । जसमा म्यारोडोनाका निकै प्रसिद्ध ह्यान्ड अफ गड पनि समेल रहेको छ । 
अर्जेन्टिनाले स्विजरल्यान्डको चुनौती ३–१ ले तथा इंग्ल्यान्डले नर्वेलाई २–१ ले पराजित गर्दै सेमिफाइनल भेट पक्का गरेका हुन् । कप्तान लियोनल मेसीले आफ्नो करियरमा पहिलो पटक इंग्ल्यान्डको सामना गर्र्दैछन् । उनी जारी विश्वकपमा ८ गोलसहित उच्च गोलकर्ताको दौडमा छन् । 

यस्तै, सर्वाधिक गोलकर्तातर्फ समेत मेसी २१ गोलसहित अगाडि छन् । यो पटक मेसीपछि इंग्ल्यान्डका कप्तान ह्यारी केन र जुड वेलिंघमले समान ६ गोल गरेका छन् । यी तीन खेलाडीसँगै फ्रान्सका कप्तान केलिएन एम्बाप्पे (आठ) पनि उच्च गालकर्ताको दौडमा रहेका छन् । 

सेमिफाइनलको खेल आज राति फ्रान्स र स्पेनबीचको प्रतिस्पर्धासँगै सुरु हुनेछ । पहिलो पटक फिफा वरियतामा शीर्ष चारमा रहेको चार टोली सेमिफाइनल पुगेका हुन् । सेमिफाइनल पुगेका चारै टिम अपराजित यात्रा कायम राख्न सफल भएका छन् ।