समाज

कांग्रेस सांसद गीता गुरुङले भनिन्– सरकारले ९ जना सुकुम्बासीको ज्यान लियो

सिधाकुरा

बुधबार, असार ३१, २०८३

कांग्रेस सांसद गीता गुरुङले भनिन्– सरकारले ९ जना सुकुम्बासीको ज्यान लियो

काठमाडौँ । प्रमुख प्रतिपक्षी दल नेपाली कांग्रेसकी सांसद गीता गुरूङले सरकारको सुकुम्बासी व्यवस्थापन नीति र त्यसका क्रममा भएका घटनाप्रति कडा आपत्ति जनाएकी छन्।

आज बसेको प्रतिनिधि सभाको बैठकमा बोल्दै सांसद गुरूङले सुकुम्बासी बस्तीमा डोजर चलाउने सरकारी कदमले मानवीय संवेदनाको खिल्ली उडाएको र यसबाट हालसम्म ९ जनाले ज्यान गुमाएको दाबी गरिन्।

Watch On

उनले सरकारले लिएको अव्यावहारिक नीतिका कारण ज्यान गुमाउनेमा १८ महिनाको शिशुदेखि ७५ वर्षका वृद्धवृद्धासम्म रहेको भन्दै यसलाई राज्य संयन्त्रद्वारा गरिएको ुसंस्थागत हत्याु को संज्ञा दिइन्। सरकारको उक्त कार्यको निन्दा गर्दै उनले घटनामा मृत्यु हुनेहरूको नामावलीसमेत सार्वजनिक गरिन् ।

उनका अनुसार, रबिन तामाङ (१८ वर्ष), इन्द्रबहादुर राई (५७ वर्ष), कमला बलमपाखी (५० वर्ष), कर्णबहादुर श्रेष्ठ (६८ वर्ष), भेषराज दर्जी (३६ वर्ष), पार्वती विक (६६ वर्ष), सुशीला थापा मगर (३९ वर्ष), रतनदेवी मलहानी (७५ वर्ष) र उज्वल तामाङ (१८ महिना) को यसबीचमा मृत्यु भएको छ ।

सांसद गुरूङले सुकुम्बासी व्यवस्थापनमा देखिएको सरकारी कमजोरी र संवेदनहीनताले देशमा गम्भीर प्रश्न खडा गरेको बताइन्।

प्रकाशित मिति: बुधबार, असार ३१, २०८३

प्रतिक्रिया दिनुहोस्