सबै कुरा

प्रधानमन्त्री प्रचण्डले हटाए सचिवालयका यी १३ कर्मचारी (सूचीसहित)

सिधाकुरा

मंगलबार, माघ २, २०८०

प्रधानमन्त्री प्रचण्डले हटाए सचिवालयका यी १३ कर्मचारी (सूचीसहित)

काठमाडाैँ । प्रधानमन्त्री पुष्पकमल दाहाल ‘प्रचण्ड’ ले सचिवालयका १३ जनालाई जिम्मेवारीबाट हटाएका छन् ।

Watch On

हिजो अर्थात माघ १ गतेबाट लागू हुनेगरी १३ जनालाई जिम्मेवारीबाट हटाएको प्रधानमन्त्रीको प्रमुख स्वकीय सचिव सन्तकुमार दैरेले प्रधानमन्त्री तथा मन्त्रीपरिषद्को कार्यालयलाई जानकारी गराएका छन् ।

प्रधानमन्त्रीको निर्देशनबमोजिम उनीहरुको योगदानको उच्च कदर गर्दै माघ १ गतेबाट लागू हुनेगरि सेवाबाट बिदाई गरिएको उनले बताएका छन् । जिम्मेवारीबाट हटाइएकाहरुमा स्वकीय सहसचिव नारायण प्रसाद ढुंगाना, स्वकीय उपसचिव रमेश प्रसाद गुरागाईं, ओम कुमारी पौडेल, सावित्री कुमारी अधिकारी र कल बहादुर नाथ, स्वकीय शाखा अधिकृत लाले कुमाल, प्रशासन सहायक युवराज शाह र रामलाल पराजुली, कम्प्युटर सहायक वाशुदेव शर्मा र खड्ग योगी रहेका छन् ।

त्यस्तै कार्यालय सहयोगी अविनाश वाइवा साथै हलुका सवारी चालक रमेश प्रसाद घिमिरे र पवित्र बहादुर शाहीलाई समेत जिम्मेवारीबाट बिदाई गरिएको छ ।

प्रधानमन्त्री दाहालले आफ्नो १ वर्षे कार्यकाल पूरा भएको दिन आफू नयाँ शैलीले अघि बढ्ने घोषणा गरेका थिए । जसअन्तर्गत उनी कार्यालय समयमै सिंहदरबारस्थित कार्यालय पुग्नेदेखि टिम छाँटकाँटमा लागेका हुन् ।

प्रकाशित मिति: मंगलबार, माघ २, २०८०

प्रतिक्रिया दिनुहोस्