ऊर्जामन्त्री श्रेष्ठ र जाइका अध्यक्ष आकिहिकोबीच भेटवार्ता, नेपालमा लगानी गर्न आह्वान
काठमाडौँ । ऊर्जा, जलस्रोत तथा सिँचाइ मन्त्री विराज भक्त श्रेष्ठ र जापान अन्तर्राष्ट्रिय सहयोग नियोग (जाइका)का अध्यक्ष तानाका आकिहिकोबीच भेटवार्ता भएको छ ।
मंगलबार मन्त्रालयमा भएको भेटमा नेपालको ऊर्जा, जलस्रोत र सिँचाइ पूर्वाधार विकासमा द्विपक्षीय सहयोगबारे चर्चा भएको थियो ।
Watch On
मन्त्री श्रेष्ठले अहिलेसम्म नेपालको ऊर्जा तथा सिँचाइ क्षेत्रमा गरेको सहयोग तथा लगानीका लागि जाइकाका प्रतिनिधिलाई धन्यवाद दिएका थिए । उनले जाइकाको सहयोगमा निर्माण भएको कनकाइ र चन्द्रनहर परियोजनाको पनि चर्चा गर्दै आगामी दिनमा पनि सहकार्य जारी रहने अपेक्षा गरेका थिए ।
मन्त्री श्रेष्ठले नागढुंगा सुरुङमार्ग निर्माणमा जाइकाले गरेको सहयोग र सहकार्यका लागि बधाई तथा धन्यवाद दिएका थिए । सुरुङमार्ग उद्घाटन जाइका अध्यक्ष आकिहिको नेपाल आएका हुन् । नेपाल आएका बेला उनले ऊर्जा मन्त्री श्रेष्ठसँग भेटी आपसी हित र सहकार्यका विषयमा छलफल गरेका छन् ।
छलफलमा मन्त्री श्रेष्ठले नेपालको क्लिन एण्ड ग्रीन इनर्जीलाई विश्वसामु प्रवर्द्धनका लागि मद्दत गर्न आग्रह गरे । उनले नदी जलाधार क्षेत्र गुरुयोजना निर्माण भइरहेको जानकारी गराएका थिए ।
भेटमा अध्यक्ष आकिहिकोले तनहुँ जलविद्युत परियोजनाको समस्या समाधान गरिदिन अनुरोध गरेका थिए । मन्त्री श्रेष्ठले तनहुँ हाइड्रोको समस्या समाधान गर्ने प्रतिबद्धता व्यक्त गरे ।
ऊर्जामन्त्री श्रेष्ठले बजेटमा यसपालि प्रसारणलाइन विस्तारलाई प्राथमिकतामा राखिएको र यसको लागि मास्टर प्लान बनिरहेको जानकारी गराए । उनले वितरण प्रणाली मजबुत बनाउन काम भइरहेको पनि बताए । वैकल्पिक ऊर्जा नै नेपालको समृद्धिको एउटा आधार भन्दै उनले प्राथमिकतामा राखी योजना बनाएको जानकारी गराए ।
मन्त्री श्रेष्ठले जुनसुकै जोखिममा धान्न सक्ने जापनिज उच्चतम प्रविधि प्रयोग गरिएको कुलेखानी जलविद्युत आयोजनाको पनि प्रशंसा गर्दै नलगाड जलविद्युत आयोजनामा पनि सहकार्य गर्न आह्वान गरे । ०७२ सालको भूकम्पमा जाइकाले सहयोग गरेको स्मरण गर्दै मन्त्री श्रेष्ठले धन्यवाद दिएका थिए ।
जाइका अध्यक्ष आकिहिकोले नेपालको ऊर्जा क्षेत्रमा सहयोग र सहकार्य गर्न इच्छुक रहेको बताउँदै नयाँ परियोजनाहरुबारे चासो राखेका थिए । जाइका नेपालमा पूर्वाधार निर्माणको नवीन प्रविधि, अनुभव र लगानी गर्न तयार रहेको उनको भनाइ थियो ।
-1790764415.JPG)
स्वदेश फर्कियो कास्य विजेता महिला कबड्डी टोली ( तस्बिर)
बुधबार, असोज १४, २०८३
पिल्लर भत्किएको दोधारा–चाँदनी झोलुङ्गे पुलको प्राविधिक टोलीद्वारा अध्ययन सुरु
सुदूरपश्चिम प्रदेशको यातायात पूर्वाधार निर्देशनालयका निर्देशक जगतप्रसाद जोशीले झोलुङ्गे पुलको विज्ञका रूपमा परिचित इन्जिनियर प्रकाश बमसहितको प्राविधिक टोली दोधारा–चाँदनी पुगेर पुलको स्थलगत अनुगमन र निरीक्षणमा जुटिसकेको जानकारी दिए... बुधबार, असोज १४, २०८३
उपचार खर्च तिर्न नसक्दा पार्थिव शरीर तीन दिनदेखि अस्पतालमै
आर्थिक अवस्था कमजोर रहेको परिवारले उपचारको बाँकी रकम भुक्तानी गर्न नसक्दा सोविताको पार्थिव शरीर घर ल्याएर अन्तिम संस्कार गर्न सकेको छैन । सोविताले भदौ ३१ गते विष सेवन... बुधबार, असोज १४, २०८३
लगानीकर्ताको अधिकतम हित संरक्षण गर्न सम्बद्ध निकायलाई अर्थ समितिकाे निर्देशन
समितिका सभापति डा कृष्णहरि बूढाथोकीले समितिको बैठकले कम्पनीको प्राथमिक शेयर (आइपिओ) निष्काशन अनुमति दिनुअघि उक्त कम्पनीको पुँजी पर्याप्तता, प्रविधि, नेटवर्थ, वासलात प्रतिफल लगायतका आधारमा स्तरीकरण र प्राथमिकीकरण गरी... बुधबार, असोज १४, २०८३भर्खरै
- स्वदेश फर्कियो कास्य विजेता महिला कबड्डी टोली ( तस्बिर)
- पिल्लर भत्किएको दोधारा–चाँदनी झोलुङ्गे पुलको प्राविधिक टोलीद्वारा अध्ययन सुरु
- उपचार खर्च तिर्न नसक्दा पार्थिव शरीर तीन दिनदेखि अस्पतालमै
- लगानीकर्ताको अधिकतम हित संरक्षण गर्न सम्बद्ध निकायलाई अर्थ समितिकाे निर्देशन
- सुस्ताबाट उद्धार गरिएको गैँडा सौराहाको जनकौली क्षेत्रमा
- सरकारी कर्जा दुरुपयोगको आरोप लागेका उमेश गुप्ता फेरि औद्योगिक प्रतिष्ठानको कार्यकारी निर्देशकमा सिफारिस
- परराष्ट्रमन्त्री भन्छन्– प्रधानमन्त्रीले छिट्टै भारतको परिणाममुखी भ्रमण गर्नुहुन्छ
- नारायणी किनार कहर : नगरपालिका बनाउँछ, नदी बगाउँछ
