नेताका कुरा

एमालेको प्रश्न- प्रधानमन्त्री र गृहमन्त्रीले राजीनामा किन नदिने ?

सिधाकुरा

बिहीबार, साउन १४, २०८३

एमालेको प्रश्न- प्रधानमन्त्री र गृहमन्त्रीले राजीनामा किन नदिने ?

काठमाडौं । नेकपा (एमाले) ले सुनसरी घटनाको नैतिक जिम्मेवारी प्रधानमन्त्री बालेन शाह र गृहमन्त्रीले लिनुपर्ने भन्दै राजीनामाको विषय उठाएको छ ।

१४ दिनपछि बसेको प्रतिनिधिसभा बैठकमा एमाले संसदीय दलकी उपनेता पद्मा अर्यालले विगतमा काठमाडौंमा गोली चलेको घटनापछि तत्कालीन प्रधानमन्त्री र गृहमन्त्रीलाई जिम्मेवार ठहर गरिएको बताउँदै सुनसरी घटनामा पनि त्यही मापदण्ड लागू हुनुपर्ने तर्क गरिन् ।

Watch On

‘काठमाडौंमा गोली चल्दा तत्कालीन प्रधानमन्त्री र गृहमन्त्री थुनामा बस्नुपर्छ भन्ने अवस्था सिर्जना गरियो भने सुनसरीमा मानिस मर्दा वर्तमान प्रधानमन्त्री र गृहमन्त्रीले राजीनामा दिनुपर्छ कि पर्दैन ? यो घटनाको नैतिक जिम्मेवारी लिनुपर्छ कि पर्दैन ?’ उनले प्रश्न गरिन् ।

अर्यालले सरकार शान्ति–सुरक्षा कायम गर्न असफल भएको आरोप पनि लगाइन् । दंगा नियन्त्रण गर्नुको सट्टा सरकारले नै सर्वसाधारणमा त्रास फैलाएको उनको टिप्पणी थियो ।

‘देशमा शान्ति–सुरक्षा कायम गर्न राज्य असफल भएको छ । दंगा नियन्त्रण गर्नुको सट्टा सरकारले आफैं त्रास सिर्जना गरेको छ,’ उनले भनिन् । प्रतिनिधि सभा बैठक जारी छ । विभिन्न दलका सांसदहरूले सुनसरी घटनालगायत विषयमा धारणा राखिरहेका छन् ।

प्रकाशित मिति: बिहीबार, साउन १४, २०८३

प्रतिक्रिया दिनुहोस्