पूर्वाधार

बाढीपहिरोले चार जिल्लाका मुख्य सडक अवरुद्ध

सिधाकुरा

शनिबार, असोज १७, २०८३

बाढीपहिरोले चार जिल्लाका मुख्य सडक अवरुद्ध

काठमाडौं। बाढीपहिरोका कारण रसुवा, मनाङ, म्याग्दी र हुम्लाका मुख्य सडकखण्ड अवरुद्ध भएका छन्। सडक विभाग तथा सम्बन्धित निकायको २०८३ असोज १७ गते बिहान ६ः४५ बजेसम्मको विवरणअनुसार केही सडक पूर्ण रूपमा बन्द छन् भने केहीमा एकतर्फी यातायात सञ्चालन भइरहेको छ।

Watch On

रसुवाका मुख्य राजमार्गहरू भदौ १० गतेदेखि पूर्ण रूपमा अवरुद्ध छन्। अर्को सूचना नभएसम्मका लागि सडक सञ्चालनमा आउन नसकेको विवरणमा उल्लेख छ।

मनाङमा बाढीका कारण असोज ८ गतेदेखि बेंसीसहर हुँदै खाङसारसम्म जाने सडक पूर्ण रूपमा अवरुद्ध छ।

म्याग्दीको रघुगंगा गाउँपालिका–२ बैसरी तथा अन्नपूर्ण गाउँपालिका–३ सुकेबगरमा पहिरोका कारण बेनी–जोमसोम सडकखण्ड पूर्ण रूपमा अवरुद्ध छ।

नवलपरासी पूर्वको कालीगण्डकी करिडोरअन्तर्गत बुलिङटार गाउँपालिका–६ घुमाउरीघाटमा पहिरोका कारण एकतर्फी यातायात सञ्चालनमा छ। त्यस्तै बौदीकाली गाउँपालिका–३ जन्ती पहिरोमा पनि सडक एकतर्फी सञ्चालनमा रहे पनि ठूला सवारीसाधन चल्न नसक्ने अवस्था छ।

हुम्लाको नाम्खा गाउँपालिका–४ यालबाङ र सिमकोट गाउँपालिका–७ ठाडोढुंगामा पहिरोका कारण सिमकोट–हिल्सा सडकखण्ड पूर्ण रूपमा अवरुद्ध रहेको विवरणमा उल्लेख छ।

प्रकाशित मिति: शनिबार, असोज १७, २०८३

प्रतिक्रिया दिनुहोस्