समाज

पार्टीका कानुन पृष्ठभूमिका सांसदहरूसँग छलफलमा सभापति लामिछाने

सिधाकुरा

शुक्रबार, कात्तिक १३, २०८३

पार्टीका कानुन पृष्ठभूमिका सांसदहरूसँग छलफलमा सभापति लामिछाने

काठमाडौं। राष्ट्रिय स्वतन्त्र पार्टीका सभापति रवि लामिछाने पार्टीका कानुन पृष्ठभूमिका सांसदहरूलाई छलफलमा बोलाएका छन्।

Watch On

सभापति लामिछानेले अहिले ती सांसदहरूसँग बूढानीलकण्ठस्थित निवासमा छलफल गरिरहेको रास्वपा उच्च स्रोतले जानकारी दियो।

‘सर्वोच्चका न्यायाधीशहरूमाथि उठेको प्रश्न र समसामयिक राजनीतिक विषयमा छलफल गर्न सभापतिज्यूले बोलाउनुभएको हो,’ उच्च स्रोतले भन्यो।

छलफलमा पार्टी उपसभापति एवं कानुन, न्याय तथा संघीय मामिला मन्त्री सोबिता गौतम, कानुन पृष्ठभूमिका सांसदहरू र पार्टीका पदाधिकारी तहका अन्य नेताहरू सहभागी रहेको स्रोतले बतायो।

स्रोतका अनुसार न्यायाधीशहरूमाथि प्रश्न उठेपछि यसको संवैधानिक निरूपण लगायतका विषयमा छलफल भइरहेको हो। सर्वोच्चका न्यायाधीश हरि फुयाल लगायतले बिचौलिया इनम सापकोटासँग संवाद गरेको तथ्य बाहिरिएपछि सांसद यज्ञमणि न्यौपानेले संसद् अधिवेशन बोलाउनुपर्ने धारणा राखेका थिए। त्यस्तै, अर्का सांसद राजीव खत्रीले पनि अब महाभियोगतर्फ किन नजाने भन्दै धारणा राखेका थिए।

रास्वपा नेताहरूले पनि यसप्रति संवेदनशील भएर विषय निरूपण गर्नुपर्ने बताएका छन्।

प्रकाशित मिति: शुक्रबार, कात्तिक १३, २०८३

प्रतिक्रिया दिनुहोस्