समाज

क्रिकेट क्रेज (तस्बिर कथा)

सिधाकुरा

शुक्रबार, कात्तिक २७, २०८३

काठमाडौं । नेपाल प्रिमियर लिग (एनपीएल) अन्तर्गत शुक्रबार सुदूरपश्चिम रोयल्स र काठमान्डु गोर्खाजबीचको खेल हेर्न त्रिवि क्रिकेट मैदानमा दर्शकको उत्साहजनक उपस्थिति देखिएको छ।

Watch On

प्रतियोगिताको रोमाञ्चक खेल हेर्न बिहानैदेखि क्रिकेटप्रेमीहरू मैदान पुगेका थिए। दर्शकले भरिएको त्रिवि क्रिकेट मैदानमा दुवै टोलीका समर्थकले आ–आफ्नो टिमको पक्षमा हुटिङ गर्दै खेलको माहोल थप उत्साहपूर्ण बनाएका छन्।

शुक्रबारको खेलमा टस हारेर पहिले ब्याटिङ गरेको सुदूरपश्चिम रोयल्सले काठमान्डु गोर्खाजसामु १२६ रनको लक्ष्य प्रस्तुत गरेको छ।

सुदूरपश्चिमले दिएको लक्ष्य पछ्याउँदै काठमान्डु मैदानमा उत्रिएको छ। सीमित लक्ष्य भए पनि टी–२० क्रिकेटमा कुनै पनि टोलीका लागि जित सहज नहुने भएकाले खेल प्रतिस्पर्धात्मक हुने अपेक्षा गरिएको छ।

एनपीएलले नेपाली क्रिकेटप्रति दर्शकको आकर्षण बढाउँदै लगेको छ। घरेलु खेलाडीलाई आफ्नो क्षमता देखाउने अवसर दिनुका साथै विदेशी खेलाडीको सहभागिताले प्रतियोगिताको प्रतिस्पर्धात्मक स्तरसमेत बढाएको छ।

त्रिवि क्रिकेट मैदानमा देखिएको दर्शकको उपस्थितिले नेपाली क्रिकेटप्रतिको बढ्दो लोकप्रियता र घरेलु प्रतियोगिताप्रतिको आकर्षणलाई पनि प्रतिबिम्बित गरेको छ।

Kathmandu-Gurkhas-VS-Sudurpaschim-Royals-Friday_NPL-17-1794560189.JPG