सबै कुरा

बालेन लक्षित प्रशासनको विज्ञप्ती, सामाजिक सञ्जालमा जथाभावी वक्तव्यबाजी नगर्नु

सिधाकुरा

सोमबार, भदौ १८, २०८०

बालेन लक्षित प्रशासनको विज्ञप्ती, सामाजिक सञ्जालमा जथाभावी वक्तव्यबाजी नगर्नु

१८ भदौ, काठमाडौं – जिल्ला प्रशासन कार्यालय काठमाडौंले सामाजिक सञ्जालमा अनावश्यक वक्तव्यवाजी नगर्न अनुरोध गरेको छ । वक्तव्यमा सामाजिक सञ्जालहरुमा व्यक्त भएका अभिव्यक्तिहरुप्रति कार्यालयको ध्यानाकर्षण भएको भन्दै पदीय जिम्मेवारी र कर्तव्य पालना गर्न लागेका राष्ट्रसेवक कर्मचारीहरुलाई वाधा अवरोध नपु¥याउन पनि आग्रह गरेको छ ।

विज्ञप्तीमा कार्यालयले सरकारी स्रोत साधनको दुरुपयोग हुन नदिन सार्वजनिक विदाका दिनमा सरकारी सवारी साधनको निगरानी र नियन्त्रण गर्ने कार्य सबै जिल्ला प्रशासन कार्यामार्फत विगतदेखि नै हुँदै आएको र यसले मितव्ययिता कायम गर्न पनि मद्दत पुगेको कु्रा निर्विवाद रहेको समेत सपष्ट पारेको छ ।

शनिबार राति काठमाडौं महानगरपालिका मेयर बालेन साहले महानगरको गाडी रोकिएको विषयमा उत्तेजक स्टाटस सामाजिक सञ्जालमा लेखेका थिए । उनले अर्को पटक पुनः महानगरको गाडी रोकिए सिंहदरवारमा आगो लगाइदिने धम्की समेत दिएका थिए । पछि उक्त गाडीमा बालेनपत्नी सवार रहेको खुलेको थियो ।

बालेन सचिवालयले ट्राफिक प्रहरीले मेयरपन्तीमाथि असभ्यता देखाएको दावी गर्दै विज्ञप्ती निकालेको थियो ।

बालेनको सोही स्टाटसपछि सामाजिक सञ्जाल निकै तातिएको थियो । अहिले बालेनले उक्त स्टाटस हटाईसकेका छन् ।

प्रकाशित मिति: सोमबार, भदौ १८, २०८०

प्रतिक्रिया दिनुहोस्