सबै कुरा

महानगरको राजश्व टोलीलाई रञ्जना कम्पलेक्समा अनुगमन गर्न अवरोध (भिडियो सहित)

सिधाकुरा

बुधबार, वैशाख २६, २०८१

काठमाडौँ । घरबहाल सम्झौताबिना नै व्यवसाय सञ्चालन गरेर कर छली गरेको सूचना सहित अनुगमनमा पुगको काठमाडौँ महानगरको टोलीलाई रञ्जना कम्प्लेक्सका व्यवसायीले अवरोध गरेका छन् । अनुगमनका लागि पुगेको महानगरको राजस्व विभागको टोलीलाई कम्प्लेक्सका व्यवसायीले रोक लगाएका हुन् ।

Watch On

महानगरको राजस्व विभागका रामजी श्रेष्ठ लगायतको टोलीलाई आफूहरु रञ्जना कम्प्लेक्स व्यापार संघको पदाधिकारी हौँ भनेर दाबी गर्नेहरुले अवरोध गरेका हुन् । ‘घरबहाल सम्झौता भएको नभएको भन्ने विषय त वडाले हेरिहाल्छ, तपाईँहरु किन आउनुपर्यो ? अनि कर नतिरेको भए वडाले कारबाही गर्छ किन जान्ने हुनपर्यो ?’, आफूलाई व्यापार संघको अध्यक्ष बताउने एक व्यवसायीले अनुगमन टोलीलाई प्रश्न गरे ।

महानगरले व्यवसाय दर्ता लगायत घरबहाल सम्झौता खोज्दा के के चाहिने हो प्रशासनमा गएर खोज्न र व्यवसायीलाई केही नसोध्न चेतावनी दिए ।

त्यस्तै उनीहरुले महानगरको अनुगमनको रिपोर्टिङ गर्न पुगेका पत्रकारमाथि पनि हातपातको प्रयास गरेका छन् । उनले पत्रकारमाथि क्यामेरा फालिदिने धम्की दिँदै रिपोर्टिङ नगर्न र भिडियो तथा फोटो नखिच्न चेतावनी दिएका हुन् ।

प्रकाशित मिति: बुधबार, वैशाख २६, २०८१

प्रतिक्रिया दिनुहोस्