इन्टरनेट सेवासँग जोडिँदै दोलखाका दुर्गमका विद्यालय
भदाै ४, भोजपुर– भोजपुर जिल्लाकै दुर्गम मानिने साल्पासिलिछो गाउँपालिकाका ३८ सामुदायिक विद्यालयमा ‘ब्रोडब्याण्ड इन्टरनेट’ सामाग्री वितरण थालिएको छ । सामुदायिक विद्यालयमा प्रविधिमैत्री शिक्षामा जोड दिन इन्टरनेट सेवा विस्तार सुरुवात गरिएको हो ।
Watch On
गाउँपालिका भित्र रहेका ४४ विद्यालयमध्ये पहिलो चरणमा ३८ विद्यालयमा इन्टरनेट विस्तारको काम थालिएको गाउँपालिकाका शिक्षा शाखा प्रमुख थानेश्वर गुरागाईंले जानकारी दिए । गाउँपलिकाका ६ माध्यमिक विद्यालयमा भने यसअघि नै इन्टरनेट सेवा विस्तार गरेर सञ्चालनमा रहेको उनले बताए । दोस्रो चरणमा यी विद्यालयमा पनि इन्टरनेटको थप क्षमता विस्तारलगायतको काम गर्ने लक्ष्य रहेको उनको भनाइ छ ।
नेपाल दूरसञ्चार प्राधिकरण र साल्पासिलिछो गाउँपालिकाबीच भएको सम्झौताअनुसार यहाँका विद्यालयमा इन्टरनेट सेवा विस्तार थालिएको हो । प्राधिकरणले प्रत्येक विद्यालयमा २० एमबिपिएस नन डेडीकेडेट सेवा विस्तार गर्ने गाउँपालिकाका प्रमुख प्रशासकीय अधिकृत माधवकुमार अधिकारीले जानकारी दिए।
गाउँपालिकाभित्रका विद्यालयमा प्रविधिमैत्री शिक्षामा जोड दिन योजनाबद्धरुपमा कामको थालनी गरिएको प्रशासकीय अधिकृत बताउँछन् ।
विद्यालयमा सूचना प्रणालीको विकास गर्नको लागि राष्ट्रिय योजना आयोगबाट आउने ९७ लाख रुपैँयाले थप काम गर्ने उनको भनाइ छ । ‘जिल्लाकै विकट मानिने हाम्रो गाउँपालिकामा प्रविधिमैत्री शिक्षाको विकासमा जोड दिएका छौँ’, प्रशासकीय अधिकृत अधिकारीले भने, ‘यहाँका सबै विद्यालयमा इन्टरनेट सेवा विस्तारको काम थालेका छौँ । खास गरेर हाम्रो एक मात्र लक्ष्य भनेको नै सामुदायिक विद्यालयलाई प्रविधिमैत्री बनाउनु हो ।’
सामुदायिक विद्यालयमा इन्टरनेट सेवा विस्तारले बालबालिकालाई नवीनतम र प्रविधियुक्त शिक्षा लिन सहज हुने गाउँपालिका अध्यक्ष दौलथ कुलुङले बताए ।
प्रविधिको विस्तारले शिक्षाको गुणस्तरमा सुधार ल्याउन भूमिका खेल्ने अध्यक्ष कुलुङको भनाइ छ । ‘नेपाल दुरसञ्चार प्राधिकरणसँगको सहकार्यमा ३८ वटा विद्यालयमा गुणस्तरीय इन्टरनेट सेवा विस्तार थालेका छौँ’, अध्यक्ष कुलुङले भने, ‘यसले यहाँका बालबालिकालाई प्रविधियुक्त शिक्षा लिन सहजता थप्नेछ । शिक्षालाई प्रविधिमैत्रीसँगै गुणस्तरीय बनाउन गाउँपालिकाले काम गरिरहेको छ ।’
सम्झौताअनुसार प्राधिकरणले एक विद्यालयमा पहिलो वर्ष ७३ हजार ९ सय रुपैँयाका दरले २८ लाख ८ हजार ९ सय रुपैँया बराबरको इन्टरनेट सेवा प्रदान गर्नेछ ।
त्यस्तै दोश्रो वर्षमा प्रति विद्यालय रु १८ हजार ९ सयका दरले ७ लाख ८ हजार २ सय बराबरको इन्टरनेट सेवा प्रदान गर्ने गाउँपालिकाको योजना छ ।
रासस
-1784817846.jpg)
त्रिविसहित सबै विश्वविद्यालयमा कम्तीमा १० प्रतिशत विद्यार्थीलाई पूर्ण छात्रवृत्ति
मन्त्रालयले संघीय मामिला तथा सामान्य प्रशासन मन्त्रालयलाई पत्राचार गर्दै शिक्षा ऐन र नियमावलीबमोजिम निजी तथा सार्वजनिक विद्यालयले विद्यार्थी संख्याका आधारमा तोकिएबमोजिमका १० प्रतिशत छात्रवृत्ति प्रदान गरेको छात्रवृत्तिको विवरण... मंगलबार, असार ३०, २०८३
अब कन्सल्टेन्सीले २५ लाख धरौटी राख्नु पर्ने, विदेश जाने विद्यार्थीलाई लक्षित शैक्षिक मेला पनि रोक
नियमावलीअनुसार अब मन्त्रालयबाट अनुमति पत्र नलिई शैक्षिक परामर्श सेवा सञ्चालन गर्न पाइने छैन । भाषा शिक्षण र तयारी कक्षाका हकमा भने प्रदेश वा स्थानीय तहले नियमन गर्न सक्ने... बुधबार, असार २४, २०८३
शिक्षामन्त्रीद्वारा विश्वविद्यालयका नवनियुक्त उपकुलपतिको शपथ
मन्त्री पोखरेलले त्रिभुवन विश्वविद्यालयका उपकुलपति प्रा डा भोला थापा, सुदूरपश्चिम विश्वविद्यालयका उपकुलपति किसनदत्त भट्ट, मध्यपश्चिम विश्वविद्यालयका उपकुलपति राजन सुवाल, कृषि तथा वन विश्वविद्यालयका उपकुलपति ऋषिराम कट्टेल, राजर्षी जनक... शुक्रबार, असार १९, २०८३
नेपालमा करिब १४ सय विदेशी विद्यार्थी अध्ययन गर्दै
सिंहदरबारमा बुधबार बसेको विकास, आर्थिक मामिला तथा सुशासन समितिको बैठकमा शिक्षा सचिव चूडामणि पौडेलले विभिन्न देशका गरेर नेपालमा हाल एक हजार ४ सय विदेशी विद्यार्थी अध्ययनरत रहेको बताएका... मंगलबार, असार ९, २०८३भर्खरै
- विधानको विषयमा गणेश कार्कीले लिखित असहमति बुझाएका हुन् ?
- दुर्घटनामा घाइते सहयात्रीको हत्या गरेको आरोपमा मोटरसाइकल चालक पक्राउ
- गुण्डु घटनाबारे महेशको प्रष्टीकरण– जेएन बोल्दाबोल्दै गला अवरूद्ध भएको हो, ढलेको होइन
- मोटरसाइकल दुर्घटनामा २ जनाको मृत्यु
- हानेपा सरकारमा, बागमतीमा सत्ता समीकरण थप पेचिलो
- सभामुखसँग ईयू राजदूत लोरेन्जोको बिदाइ भेट
- संसदमा अमरेशको प्रश्नः मधेशमा आन्दोलन हुनासाथ किन गोली चल्छ ?
- सुदूरपश्चिमका सांसदहरुसँग बालेनले भने– सरकारको काम संसदमार्फत जनतालाई जानकारी गराउँछु
