सबै कुरा

मङ्गलबार सहमतिमा आएका डाक्टरहरु पुनः आन्दोलनमा

सिधाकुरा

बिहीबार, असोज ११, २०८०

मङ्गलबार सहमतिमा आएका डाक्टरहरु पुनः आन्दोलनमा

११ असाेज, काठमाडाैँ : मङ्गलबार गृहमन्त्रालयमा उपप्रधान तथा गृहमन्त्री नारायणकाजी श्रेष्ठको नेतृत्वमा आन्दोलनरत डाक्टरहरुबिच सहमति भएपनि उक्त निर्णयप्रति असहमति जनाउँदै बिहिवार पुनः डाक्टरहरु सडक प्रदर्शनमा उत्रिएका छन् ।

Watch On

गृहमन्त्री नारायणकाजी श्रेष्ठ, स्वास्थ्यमन्त्री मोहन बस्नेत, मेडिकल काउन्सिल साथै चिकित्सकका प्रतिनिधिसमेतको रोहवरमा भएको छलफलमा २ बुँदे सहमति भएको थियो । जहाँ आक्रमणमा संलग्नलाई स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन २०६६ अनुसार कारबाही गर्ने तथा हरेक स्वास्थ्य संस्थामा उपचारबारे गुनासो राख्ने उजुरी पेटिकाको व्यवस्था गर्ने, कानुन विपरित गर्नेलाई कारबाही हुने सूचना सबैले देख्नेगरी राख्ने निर्णय भएको थियो । सोही अनुसार स्वास्थ्यमन्त्रालयले हिजो सबै स्वास्थ्य संस्थामा सूचना टाँसेर स्वास्थ्य सेवा सुचारु गर्न निर्देशन समेत दिएको थियो ।

तर सरकारले गरेको उक्त २ बुँदे निर्णयप्रति असहमति जनाउँदै डाक्टरहरूले आज पनि माइतीघरको सडकमा उत्रिएर विरोध जनाएका छन् ।

आन्दोलनमा उत्रिएका डाक्टरहरुले सहकर्मीमाथि कुटपिट गर्नेमाथि कारबाही नभएसम्म र निर्धक्कसाथ बिरामीको उपचार गर्ने वातावरण नपाएसम्म आन्दोलनरत रहने अडान राखेका छन् ।

प्रकाशित मिति: बिहीबार, असोज ११, २०८०

प्रतिक्रिया दिनुहोस्