सबै कुरा

दुर्गा प्रसाईँलाई थुनामुक्त गर्न सर्वोच्चद्वारा अस्वीकार, कारण देखाउ आदेश

सिधाकुरा

मंगलबार, असोज ८, २०८१

दुर्गा प्रसाईँलाई थुनामुक्त गर्न सर्वोच्चद्वारा अस्वीकार, कारण देखाउ आदेश

काठमाडौँ । दुर्गा प्रसाईलाई गैरकानुनी थुनामा राखिएको भन्दै रिहाइको माग सहित दायर भएको बन्दी प्रत्यक्षीकरणको रिटमा कारण देखाउ आदेश जारी भएको छ । अदालतले प्रसाईंलाई थुना मुक्त गर्न भने अस्वीकार गरेको छ ।

Watch On

रिट उपर सर्वोच्चका न्यायाधीश प्रकाशमान सिंह राउतको एकल इजलासमा सुनुवाई भएको थियो । दुर्गा प्रसाईंको छोरा निराजन प्रसाईंले नेपाल सरकार प्रधानमन्त्री तथा मन्त्रिपरिषदको कार्यालय सिंहदरवार काठमाण्डौ समेत जनालाई विपक्षी बनाएर बन्दी प्रत्यक्षीकरणको रिट दायर गरेका थिए । रिटमा प्रसाईँलाई थुनामुक्त गर्न माग गरिएको थियो ।

व्यक्तिगत तवरमा उत्रिएर चरित्रहत्या गरेको आरोपमा प्रसाईंलाई आइतबार भक्तपुरस्थित उनकै घरबाट पक्राउ गरिएको थियो । उनलाई आइतबार नै काठमाडौँ जिल्ला अदालतमा पेस गरिएको थियो । अदालतले प्रसाईंलाई तीन दिन हिरासतमा राखेर अनुसन्धान गर्न प्रहरीलाई अनुमति दिएको छ । उनलाई विद्युतीय कारोबार ऐन २०६३ को दफा ४७ अनुसार तीन दिनको म्याद थप भएको हो।

व्यक्तिको चरित्रहत्या गरेको आरोपमा नेपाल प्रहरीको साइबर ब्यूरोमा निवेदन परेपछि उनीमाथि पक्राउ पूर्जी जारी भएको थियो । असोज २ गते काठमाडौँ जिल्ला अदालतले उनीसहित केही युट्युबरलाई समेत प्रकाउ गर्न प्रहरीलाई अनुमति दिएको थियो ।

प्रकाशित मिति: मंगलबार, असोज ८, २०८१

प्रतिक्रिया दिनुहोस्