चीनबाट फर्किएका रास्वपा नेताहरु भन्छन्, ‘सभापति रवि लामिछानेलाई गरिएको टार्गेटको प्रतिवाद गछौँ’

काठमाडौँ । सभापतिमाथि षड्यन्त्र हुन खोजेको भन्दै चीन भ्रमणबाट फर्किएका रास्वपा नेताहरुले सभापति रवि लामिछानेलाई मात्र पक्रन खोजे प्रतिवाद गर्ने बताएका छन् । विमानस्थलमा सञ्चारकर्मीलाई प्रतितिक्रिया दिदै उनीहरुले सभापति लामिछानेलाई मात्र टार्गेट गर्नु गलत भएको बताएका हुन् । 

Watch On

रास्वपा उपसभापति डा स्वर्णिम वाग्लेले लामिछानेमाथिको प्रहार व्यक्तिमाथिको नभई संस्थामाथिको प्रहार भएकाले प्रतिकार गर्ने बताए । ‘रास्वपा सभापति व्यक्ति होइन, संस्था हो। त्यो माथि प्रहार भएको छ इगोको कारणले। त्यसको सामना हामी एकजुट भएर गर्ने भ्रमणमा गएका १४ जनाले पनि एकताबद्ध भएर निर्णय गरेका छौँ।’ वाग्लेले भने । 

त्यस्तै कार्यवहाक प्रवक्ता मनिष झाले अरुलाई जोगाउनका लागि आफ्ना सभापतिलाईमात्रै तार्गेट बनाउन खोजिएको भन्दै कुनै पनि राजनीतिक प्रतिशोधको कडा रुपमा प्रतिकार गर्ने बताए । सभापति लामिछानेलाई व्यक्तिगत रूपमा संलग्न भएर सहकारीबाट रकम नलिएको छानविन समितिले नै प्रष्ट उल्लेख गर्दा पनि जवरजस्ती अपराधी बनाउन खोजिएको झाको भनाई छ । 

सहकारी प्रकरण, पछिल्लो राजनीतिक अवस्थाका बारेमा शुक्रबार पत्रकार सम्मेलन गरि आधिकारिक धारणा तय गर्ने पनि बताइएको छ । 

चीन भ्रमणमा रहेका राष्ट्रिय स्वतन्त्र पार्टीका १४ नेतामध्ये ८ जना नेता फर्किएका हुन्। उससभापति स्वर्णिम वाग्ले, कार्यवाहक प्रवक्ता मनिष झा, गणेश पराजुली, तोसिमा कार्की लगायत नेताहरु आज फर्किएका हुन् भने बाँकी ६ जना भने भोलि फर्कने नेताहरुले बताएका छन्  

चिनियाँ कम्युनिस्ट पार्टीको निम्तो स्विकारेर उपसभापति डा। स्वर्णिम वाग्लेको नेतृत्वमा १४ जनाको टोली १० दिनका लागि शनिबार मध्यरातमा चीनका लागि उडेको थियो । 

नेपालमा पार्टी सभापतिमाथि षड्यन्त्र हुन सक्ने लक्षण देखिएकाले उनीहरु भ्रमण छोट्याएर फर्किएका हुन् ।