तीन दिनदेखि हराइरहेको बस झ्याप्ले खोलाको पहिरोमा पुरिएको आशङ्का*

काठमाडौं । गोरखाबाट शुक्रबार छुटेकाे बस ३ दिनदेखि सम्पर्क विहीन छ। शुुक्रबार बिहान ७ बजे गोरखाको लापुबेसीबाट काठमाडौकालागि छुटेको ना ४ ख २२७० नम्बरको बस अहिलेसम्म सम्पर्कमा नआएको बस संचालक समितिले जनाएका छन् ।

Watch On

दरौदी यातायात प्रालीका अध्यक्ष नारायण खत्रीका अनुसार गोरखबाट छुटेको बस शुक्रबार राति १० बजे खानीखोलासम्म पुगेको जानकारी आएका तर त्यसपछि बसमा सवारी कसैसँगपनि सम्पर्क भएको छैन । बसमा ९-१० जना यात्रु भएको खत्रीको भनाई छ ।

शनिबार साँझ मात्रै नागढुंगा नजिकै झ्याप्लेखोलामा गएको पहिरोमा बुटवलबाट काठमाडौ आउँदै गरेको वीङ्गर भ्याने पुरिएको अवस्थामा भेटिएको थियो । उक्त वीङ्गर भ्यान सवार १४ जनाको शव भेटिएको थियो । खानीखोला प्रहरी चौकीका इन्चार्ज हेमन्त थपलियाका अनुसार वीङ्गर भ्यान सहित अन्य सवारी पनि पुरिएको आशङ्का गरिएको थियो । थापाका अनुसार सोही स्थानको पहिरोमा अर्को बस पनि पुरिएको देखिएको छ ।

सोही स्थानमा उद्धारमा खटिएका राष्ट्रिय स्वतन्त्र पार्टीको र्याट टिमका उपप्रमुख आशिस थापाका अनुसार वीङ्गर भ्यान पुरिएको नजिकै बसको टायर देखिएको छ । भने अर्को कारको जस्तो पाटपुर्जा पनि देखिएको छ । गोरखाबाट काठमाडौँका लागि छुटेको बस र चितवनबाट छुटेको माइक्रो पनि सोही पहिरोमा पुरिएको आशङ्का गरिएको छ ।

चितवनबाट आएकाे माइक्राे पनि बेपत्ताबारे समितिहरुसँग बुझ्ने प्रयास गर्दा पुष्टि हुन नसकेकाले सच्याइएकाे छ ।