सबै कुरा

मौसमअनुकूल भएसँगै हवाई सेवा सञ्चालन, एयरलाइन्सहरुले भाडा बढाए

सिधाकुरा

आइतबार, असोज १३, २०८१

मौसमअनुकूल भएसँगै हवाई सेवा सञ्चालन, एयरलाइन्सहरुले भाडा बढाए

काठमाडौँ । मौसमअनुकूल भएसँगै त्रिभुवन अन्तर्राष्ट्रिय विमानस्थलका साथै अन्य आठ वटा विमानस्थलबाट हवाई सेवा सञ्चालन भएको छ । त्रिभुवन अन्तर्राष्ट्रिय विमानस्थलका महाप्रबन्धक जगन्नाथ निरौलाका अनुसार आज राति १० बजेसम्म ‘इन्स्ट्रुमेन्ट फ्लाइट रुल्स’ (आइएफआर) प्रणालीमा उडान अनुमति दिइएको छ ।

Watch On

त्रिभुवन अन्तर्राष्ट्रिय विमानस्थलबाट सबै आन्तरिक र अन्तर्राष्ट्रिय उडान भइरहेका छन् । प्रतिकूल मौसमका कारण शुक्रबार र शनिबार चार सयभन्दा बढी उडान रद्द भएका थिए । त्रिभुवन अन्तर्राष्ट्रिय विमानस्थलबाट दैनिक एक सय ५० देखि एक सय ६० उडान हुने गरेका छन् । सुर्खेत विमानस्थलबाहेक सबै विमानस्थलबाट उडान भइरहेको छ ।

यसअघि प्राधिकरणले प्रतिकूल मौसमका कारण शुक्रबार साँझ ७ः०० बजेदेखि शनिबार दिउँसोसम्म सबै आन्तरिक उडान स्थगन गरेको थियो ।

साथै दुई दिनसम्मको निरन्तर झरी पछि खुलेका हवाई सेवामा उडान कम्पनीहरुले भाडा बढाएका छन् । बुद्ध एयर, यती एयरलाइन्स,श्री एयरलाइन्सले नियमित भन्दा बढी भाडामा टिकट खुल्ला गरेका छन् । मुलुक बाढी पहिरोबाट प्रभावित भएकाबेला भाडा बढाएपछि सर्वत्र आलोचना भैरहेको छ ।

प्रकाशित मिति: आइतबार, असोज १३, २०८१

प्रतिक्रिया दिनुहोस्