सबै कुरा

झ्याप्ले खोला पहिरो : मृतककाे संख्या ३५ पुग्यो

सिधाकुरा

आइतबार, असोज १३, २०८१

झ्याप्ले खोला पहिरो : मृतककाे संख्या ३५ पुग्यो

काठमाडौँ । धादिङको झ्याप्ले खोलाको पहिरोमा मृत्यु हुनेको संख्या ३५ पुगेको छ । सडकमाथिबाट झरेको पहिरोले सडकमा रहेका यात्रुबाहक सवारी पुरिएको थियो । शनिबारदेखि चलेको उद्धाररका क्रममा हालसम्म ३५ जनाको शव निकालिएको छ ।

शनिबार १४ वटा शव निकालिएको थियो । उक्त शव बुटवलबाट काठमाडौँ आउँदै गरेको लु १ ख ४५७८ नम्बरको वींगर गाडीका यात्रुको थियो ।

त्यस्तै आज नारायणघाटबाट काठमाडौं आउँदै गरेको ना २ ख १३४५ नम्बरको माइक्रोबसबाट १६ वटा शव निकालिएको छ । सोही पहिरोमा पुरिएको गोरखाबाट काठमाडौं आउँदै गरेको ना ४ ख २२७० नम्बरको बसबाट ५ जनाको शव निकालिएको प्रहरीले जनाएको छ ।

उक्त पहिरोमा परि मृत्यु हुनेमा २५ पुरुष छन् भने १० महिला रहेका छन् । पहिरोमा भेटिएका सबै शव परीक्षणका लागि त्रिभुवन विश्वविद्यालय शिक्षण अस्पताल महाराजगञ्ज पठाइएको प्रहरी निरीक्षक सिलवालले जानकारी दिए । शुक्रबार साँझदेखि त्रिभुवन राजपथको नौबिसे नागढुङ्गा क्षेत्र पहिरो र लेदोले तनावग्रस्त छ ।

दुर्घटना स्थलमा अहिले जिल्ला प्रहरी कार्यालय काठमाडौँ र धादिङको प्रहरी परिचालन गरिएको छ भने नेपाली सेना र सशस्त्र प्रहरीको टोली पनि उद्धारमा खटिएका छन् ।

प्रकाशित मिति: आइतबार, असोज १३, २०८१

प्रतिक्रिया दिनुहोस्