रविमाथि सत्ताको प्रतिशोध विरुद्धको आन्दोलन थप सशक्त बनाउँछौँ : रास्वपा चितवन

चितवन । राष्ट्रिय स्वतन्त्र पार्टी (रास्वपा) चितवनले रविमाथिको राजनीतिक प्रतिशोध विरुद्धको आन्दोलन नरोकिने बताएको छ । शनिबार रास्वपा चितवनले आयोजना गरेको विरोध कार्यक्रमलाई सम्बोधन गर्दै नेताहरूले विरोध कार्यक्रम थप सशक्त बनाउने घोषणा गरेका हुन् ।

Watch On

भरतपुरको शहिद चोकमा आयोजित विरोध सभालाई सम्बोधन गर्दै रास्वपाका केन्द्रिय सदस्य एवम् सांसद बिराजभक्त श्रेष्ठले राज्यको दमन विरुद्धको आन्दोलन नरोकिने बताए । 

वास्तविक सहकारी पीडितलाई जोगाएर सरकारले रवि लामिछानेमाथि राजनीतिक प्रतिशोध साँधेको उनको भनाई छ । अदालतबाट निष्पक्ष न्याय हुन नदिन सरकार लागेको भन्दै नेता श्रेष्ठले यसको प्रतिवाद गर्नु पर्ने बताए । 

‘सरकार वास्तविक सहकारी ठगलाई जोगाएर रविमाथि राजनीतिक प्रतिशोध साँध्न उद्यत भयो,’ पार्टीका केन्द्रिय सदस्य एवम् सांसदसमेत रहेका नेता श्रेष्ठले भने, ‘यसको विरुद्ध एकजुट भएर उभिनुको विकल्प छैन् । विरोधका कार्यक्रम झनै सशक्त बनाउनु पर्छ ।’ 

नेता श्रेष्ठले रविलाई अदालतमा म्याद थप्न लैजाँदा इजलासमा प्रहरीहरू हतियारसहित प्रवेश गरेको भन्दै आपत्ति पनि जनाए । न्यायलयलाई प्रभावित पार्न राज्य लागेको भन्दै उनले त्यसको विरोधमा एकताबद्ध हुन सबै नागरिकलाई आग्रह गरे । 

कार्यक्रममा बोल्दै पार्टीका केन्द्रिय सदस्य ध्रुब गिरीले सरकारले पार्टी सभापति रविमाथि गरेको व्यवहार गैर राजनीतिक र प्रतिशोधपूर्ण रहेको बताए । 

सरकारको उक्त कार्य विरुद्ध सबै नागरिक एकजुट भएर प्रतिवाद गर्नु पर्ने उनको भनाई छ । यस्तै अर्का केन्द्रीय सदस्य राजन गौतमले सरकार विरुद्धको आन्दोलनबाटै रवि लामिछानेलाई न्याय दिलाउने बताए । उनले देशभरका सहकारी पीडितको समस्या अब रास्वपाले बोक्ने भन्दै सहकारीमा बचत गुमाएका पीडितहरूलाई आन्दोलनमा होमिन प्रस्ताव गरे ।   

विरोध सभामा बोल्दै रास्वपा चितवनका सभापति कृष्ण भुसालले रविमाथिको राजनीतिक प्रतिशोधको आन्दोलन नरोकिने बताए । प्रशासन र विरोधीहरूले आन्दोलन बिथोल्न अफवाह फैलाउन सक्नेतर्फ सचेत रहन भन्दै सभापति भुसालले आन्दोलनबाटै सभापति माथिको अन्यायलाई न्यायमा रूपान्तरण गर्ने बताए ।  

विरोध सभालाई सम्बोधन गर्दै रास्वपा शिक्षा विभागका उपप्रमुख कृष्णहरी पौडेल नयाँ राजनीतिक दलमाथि पुराना दलले गरेको व्यवहार विरुद्ध आन्दोलनको विकल्प नभएको बताए । सरकारले रवि माथि गरेको अत्याचारको विरुद्ध चितवन एक भएर अघि बढ्ने भन्दै नेता पौडेलले आन्दोलनका कार्यक्रम झनै सशक्त बनाएर अघि बढ्ने बताए । 

विरोध कार्यक्रममा सामाजिक अभियन्ता यमलाल भण्डारीले पनि सम्बोधन गरेका थिए । उनले जनताको परिवर्तनको आशा रवि रहेको भन्दै उनको विरुद्ध सरकारले देखाएको रवैया विरुद्ध एकजुट हुन आह्वान गरे । 

शनिबार रविमाथि भएको राजनीतिक प्रतिशोधको विरुद्ध   नारायणगढको लायन्स चोक देखी पैदल विरोध ¥याली सुरु भएको थियो । उक्त विरोध ¥याली शहिद चोक पुगेपछि केहीबेर सडकमा सुतेर रास्वपा नेता कार्यकर्ताले विरोध जनाएका थिए । विरोध ¥याली पुल्चोक पुग्दै गर्दा प्रहरीले बाटो छेकेपछि केहीबेर धकेलाधकेल भएको जिल्ला सभापति भुसालले बताए ।

प्रहरीको हस्तक्षेप पछि सडकै सुत्का १० मिनेट राजमार्ग अवरुद्ध बनेको भन्दै उनले त्यसको कारण प्रहरी संयन्त्र भएको बताए । त्यासपति विरोध ¥याली शहिद चोक पुगेर कोणसभामा परिणत भएको थियो । कविरोध कार्यक्रमको सहजीकरण रास्वपा नेतृ प्रभा ढकालले गरेकी थिइन् । रास्वपा चितवनको आह्वानमा आइतबार पनि चितवनमा विरोध कार्यक्रम हुने सो पार्टीले जनाएको छ ।