प्रचण्डलाई ओलीको जवाफः हतियार कसरी बिसाउन लाउनुपर्छ भन्ने तरिका हामीलाई थाहा छ

काठमाडौँ । प्रधानमन्त्री केपी शर्मा ओलीले आफूहरुले हतियार नचलाए पनि कसरी बिसाउनुपर्छ भन्ने जानेको भन्दै माओवादीलाई जवाफ फर्काएका छन् । आइतबार काठमाडौँमा गैह्रआवासीय नेपाल सङ्घ (एआरएनए) द्वारा आयोजत गैह्रआवासीय नेपाली दिवस र वार्षिक साधारणसभा उद्घाटन गर्दै प्रधानमन्त्री ओलीले आफूहरुले हतियार नचलाए पनि कसरी बिसाउनुपर्छ भन्ने जानेकाले ‘हतियार बिसाएका मात्रै हौँ’ भनेर कुनै धम्की नदिन प्रचण्डलाई सुझाव समेत दिए । 

Watch On

‘एकजना उफ्रि उफ्रिकन भाषण गर्दै थिए, हिजो मात्रै देखको थिएँ । हतियार बिसाएको मात्रै हो भ्रम नरहोस्, चलाउन बिर्सेको छैन । त्यस्तै त्यस्तै त हामी हुन भएन नी । धम्काका भरमा खाने, म त्यसलाई चैनी फेरि हतियार कसरी बिसाउन लाउनुपर्छ भन्ने तरिका पनि हामीलाई थाहा छ । हामी चलाउन त चलाउँदैनौँ । बिसाउन चैँ लगाउन जान्या छौँ हामीले ।’

शनिबार काठमाडौँमा आयोजित खवरदारी सभामा प्रचण्डले हतियार मात्रै बिसाएको र चलाउन भने नबिर्सिएको अभिव्यक्ति दिएका थिएन । उक्त अभिव्यक्तिको जवाफ दिदै प्रधानमन्त्री ओलीले माओवादीले अझै धम्क्याएको भरमा खाने गरेको आरोप लगाए । 

त्यस्तै प्रधानमन्त्री ओलीले बितेका केही बर्षहरुमा संघको छवि कमजोर हुँदै गएको भन्दै संघलाई गैर आवासीयहरुको साझा संस्था बनाउन सरकारको तर्फबाट पूर्ण सहयोग हुने जिकिर गरे । 

संघलाई एकताबद्ध राख्न र राजनीतिक टग अफ वार नगर्न उनले आग्रह गरे । उनले सरकारको तर्फबाट सङ्घलाई कुनै हस्तक्षेप नहुने भएकाले स्वतन्त्ररुपमा काम गर्न समेत सुझाव दिए । 

उनले विकासका लागि पूर्वाधार तयार भइसकेकाले एकजुट भएर काम गरेमा नेपालको विकास सम्भव हुने धारणा राखे । प्रधानमन्त्री ओलीले एनआरएनलाई पहिचान र आवश्यक सुविधान दिन सरकारले कञ्जुस्याईँ नगर्ने पनि स्पष्ट गरे ।