सबै कुरा

झलनाथ खनालको सर्प पाल्ने कार्यक्रममा भ्रष्टाचार आरोपमा पूर्वमन्त्रीसहित ७ जनाविरुद्ध मुद्दा

सिधाकुरा

आइतबार, असोज २१, २०८०

झलनाथ खनालको सर्प पाल्ने कार्यक्रममा भ्रष्टाचार आरोपमा पूर्वमन्त्रीसहित ७ जनाविरुद्ध मुद्दा

काठमाडाैँ : झलनाथ खनालको सर्प पाल्ने कार्यक्रममा भ्रष्टाचार भएको आरोपमा अख्तियार दुरुपयोग अनुसन्धान आयोगले मधेश प्रदेशका तत्कालीन आर्थिक मामिला तथा योजनामन्त्री विजयकुमार यादव र सचिव प्रेमकुमार श्रेष्ठसहित ६ जनाविरुद्ध भ्रष्टाचार मुद्दा दायर गरेको छ ।

Watch On

सर्लाहीको लालबन्दी नगरपालिकामा तत्कालीन झलनाथ खनाल स्वास्थ्य विज्ञान प्रतिष्ठानसँगको सहकार्यमा एन्टी भेनम प्रडक्सन एन्ड रिसर्च सेन्टर स्थापना, व्यवस्थापन र सन्चालन गर्ने कार्यमा अनियमितता गरेको आरोपमा उनीहरुलाई प्रतिवादी बनाएर भ्रष्टाचार मुद्दा दायर गरेको हो ।

सर्पको विष संकलन, प्रशोधन र उत्पादन केन्द्र स्थापनाका लागि खोलिएको उक्त रिसर्च सेन्टरमा भ्रष्टाचार भएको अख्तियारको ठहर छ ।

प्रतिवादीमा प्रतिष्ठानका पदाधिकारीहरु अध्यक्ष रेवतीप्रसाद पन्तसहित महासचिव नवराज भण्डारी, कोषाध्यक्ष निरज भन्डारी र सदस्य देवेन्द्र रायसमेत रहेका छन् ।

प्रदेशका आर्थिक मामिलामन्त्री यादव र लालबन्दी नगरपालिकाका प्रमुख मानबहादर खड्काले आफूलाई नभएको अधिकार प्रयोग गरी कानुनविपरीत झलनाथ खनाल स्वास्थ्य विज्ञान प्रतिष्ठानसँग साझेदारी गरेर बदनीयतपूर्वक १७ करोड ९८ लाख ३३ हजार निकासा गरेको आरोप छ ।

प्रकाशित मिति: आइतबार, असोज २१, २०८०

प्रतिक्रिया दिनुहोस्