सशस्त्र प्रहरी बल नेपालद्वारा चाडपर्व लक्षित १ सय २२ हेल्प डेस्क र ३३ हेल्थ डेस्क स्थापना

चाडपर्वलाई लक्षित गरी सशस्त्र प्रहरी बल, नेपालले देशका विभिन्न १ सय २२ स्थानमा सहायता कक्ष ९हेल्प डेस्क० र ३३ स्थानमा स्वास्थ्य कक्ष (हेल्थ डेस्क) राखेको छ ।

Watch On

सशस्त्र प्रहरी बलले भारततर्फको सीमावर्ती इलाकामा १ सय २० स्थान र चीनतर्फ २ स्थानमा सहायता कक्ष राखिएको छ । त्यस्तै, स्वास्थ्य कक्ष भारततर्फ ३० स्थानमा र चीनतर्फ ३ स्थानमा राखिएको सशस्त्र प्रहरी बलका सह प्रवक्ता डीएसपी शैलेन्द्र थापाले जानकारी दिए ।

दसैँ, तिहार तथा छठ पर्वलाई लक्षित गरेर सीमा इलाकामा नागरिकको सुरक्षित एवं सहज आवागमनको व्यवस्था मिलाउन तथा आपत्‌बिपत्‌मा परेका नागरिकको उद्धार कार्यमा सहयोग पुर्याउने उद्देश्यले दुवै देशका सुरक्षाकर्मीसँगको समन्वय र सहकार्यमा त्यस्ता कक्ष स्थापना गरिएको हो ।

चाडपर्वलक्षित सहायता कक्षहरू नं. १ बराह बाहिनी मुख्यालय सुनसरी मातहत २५, नं. २ छिन्नमस्ता बाहिनी मुख्यालय महोत्तरी मातहत ५३, नं. ३ गढीमाई बाहिनी मुख्यालय मकवानपुर मातहत २, नं. ४ मुक्तिनाथ बाहिनी मुख्यालय कास्की मातहत २, नं. ५ विन्ध्यवासिनी बाहिनी मुख्यालय रुपन्देही मातहत १९, नं. ६ महेश्वरी बाहिनी मुख्यालय सुर्खेतमातहत १ र नं. ७ वैद्यनाथ बाहिनी मुख्यालय कैलाली मातहत २० स्थानमा राखिएको डीएसपी थापाले जानकारी दिए ।

त्यसैगरी, हेल्थ डेस्कहरू नं. १ बराह बाहिनी मुख्यालय सुनसरी मातहत ४, नं. २ छिन्नमस्ता बाहिनी मुख्यालय महोत्तरी मातहत २२, नं. ३ गढीमाई बाहिनी मुख्यालय मकवानपुर मातहत ३, नं. ५ विन्ध्यवासिनी बाहिनी मुख्यालय रुपन्देही मातहत ३, र नं. ७ वैद्यनाथ बाहिनी मुख्यालय कैलाली मातहत १ स्थानमा राखिएको छ ।

डीएसपी थापाका अनुसार आवश्यक देखिए अन्य स्थानहरूमा पनि यस्ता कक्षहरू स्थापना गरी सेवा प्रदान गरिनेछ । चाडपर्वको बेला सीमानाकाबाट आवतजावत गर्ने नागरिकहरूको सुरक्षा, सीमाक्षेत्रमा हुन सक्ने अवैध गतिविधि, चोरी डकैती, लुटपाटजस्ता घटनाहरू हुन नदिन, अप्ठ्यारोमा परेका नागरिकको सहयोग गर्न हेल्प डेस्क राखिएको छ भने सीमानाकाबाट आवतजावत गर्ने क्रममा कुनै पनि नागरिकमा स्वास्थ्य समस्या देखिए हेल्थ डेस्कमा उपलब्ध स्रोतसाधनको प्रयोग गरी स्वास्थयकर्मीहरूद्वारा उपचार गर्ने व्यवस्था मिलाइएको छ ।