सबै कुरा

माओवादी बैठकमा केन्द्रीय समितिको ‘एजेण्डा’बारे छलफल

सिधाकुरा

बिहीबार, पुस १८, २०८१

माओवादी बैठकमा केन्द्रीय समितिको ‘एजेण्डा’बारे छलफल

काठमाडाैँ । नेकपा माओवादी केन्द्रले पुस २१ गतेदेखि बस्ने केन्द्रीय कमिटीको बैठकको एजेण्डा तय गरेको छ ।

पार्टी कार्यालय पेरिसडाँडामा बिहीबार बसेको माओवादी स्थायी कमिटी बैठकले केन्द्रीय कमिटीमा प्रस्तुत हुने पार्टी रुपान्तरण र पुननिर्माणको संकल्प आजको आवश्यकता शीर्षकको अध्यक्ष प्रचण्डको राजनीतिक प्रतिवेदनसहितका बिषयमा छलफल गर्ने गरि एजेण्डा तय गरेको हो ।

त्यस्तै अध्यक्ष लगाएत प्रदेशका अध्यक्षहरुले रिपोर्टिङ गरिने, अगामी कार्ययोजना लगाएतका एजेण्ड समेत तय भएको प्रवक्ता अग्नि सापकोटाले बताए ।

बैठकमा प्रचण्डले संविधान संशोधनलाई बहाना बनाएर कांग्रेस–एमालेले अप्राकृतिक रुपमा सरकार बनाएको बताएको प्रवक्ता सापकोटाले जानकारी दिए ।

अहिले संविधान संशोधन नभई संविधानको प्रभावकारी कार्यान्वयनमा जानुपर्नेमा प्रचण्डको जोड रहेको उनले बताए । संविधान संशोधन गर्नुपर्ने भएमा राष्ट्रिय दृष्टिकोण कायम गर्नुपर्नेमा माओवादीको धारणा रहेको प्रवक्ता सापकोटाले धारणा राखे ।

त्यस्तै, उनले अन्तर्राष्ट्रिय विषयका बारेमा सरकार उदासीन भएको र असफल भएको जिकिर गरे । सरकारको ध्यान भ्रष्टचारी र बिचौलियालाई जोगाउनका लागि केन्द्रीत भएको उनको भनाइ छ ।

प्रकाशित मिति: बिहीबार, पुस १८, २०८१

प्रतिक्रिया दिनुहोस्