नेभिगेशन
समाज

हाजिर गरेर टाप कस्ने सांसदलाई कडाइ गर्दै रास्वपा, अब सुरुदेखि अन्त्यसम्म बैठकमा अनिवार्य बस्नैपर्ने

काठमाडौँ । राष्ट्रिय स्वतन्त्र पार्टीले हाजिर गरेर टाप कस्ने (हाटा) सांसदहरुलाई कडाई गरेको छ । प्रतिनिधिसभामा १८२ सांसद भएको रास्वपाले संसद बैठकको उपस्थितिलाई थप व्यवस्थित गर्न यो कदम चालेको हो । 

Watch On

Facebook Tiktok Youtube Instagram Twitter

मुख्य सचेतक कबिन्द्र बुर्लाकोटीकाअनुसार समूह विभाजन गरी न्यूनतम सङ्ख्या उपस्थिति तालिका निर्धारण गरिएको छ । अब समूहमा परेका सांसदहरु बैठकको सुरुदेखि अन्त्यसम्म अनिवार्य रूपमा उपस्थित भई छलफलमा सक्रिय सहभागी हुनुपर्नेछ । 

Marvel
Extreme Energy

रास्वपा संसदीय दलले तोकिएको मितिमा सम्बन्धित समूहका सांसदलाई बैठकको सुरुदेखि अन्त्यसम्म अनिवार्य रूपमा उपस्थित भई छलफलमा सक्रिय सहभागी हुन निर्देशन नै जारी गरेको छ । 

'संसद बैठकमा माननीय सांसदज्यूहरूको नियमित र पूर्ण उपस्थिति सधैँ अपेक्षित रहन्छ । तथापि, व्यावहारिक परिस्थितिहरूलाई ध्यानमा राख्दै संसदको छलफललाई थप गुणात्मक, प्रभावकारी र फलदायी बनाउनका लागि शून्य समय/समूहका आधारमा बैठकको सुरुदेखि अन्त्यसम्म अनिवार्य रूपमा उपस्थित भई छलफलमा सक्रिय सहभागी हुन निर्देशन जारी गरिएको छ,' बुर्लाकोटीले भने । 

बुर्लाकोटीले समूहगत उपस्थिति तालिका नै सार्वजनिक गरेका छन् । असोज ८ गते: समूह ३, समूह ४ र समूह १ (अनिवार्य), असोज १२ गते: समूह १ र समूह २ (अनिवार्य), असोज १३ गते: समूह २ र समूह ३ (अनिवार्य), असोज १४ गते: समूह ३ र समूह ४ (अनिवार्य), असोज १५ गते: समूह ४ र समूह १ (अनिवार्य)
र असोज १६ गते: समूह १ र समूह २ (अनिवार्य) गरिएको छ । 

रास्वपा संसदीय दलले अतिरिक्त निर्देशनहरू पनि जारी गरेको छ । रास्वपाले अन्यलाई पनि नियमित उपस्थित हुन भनेको छ । 'यसको अर्थ, अन्य समूहको सांसदहरूलाई संसद आउन अनिवार्य छैन भन्ने किमार्थ नलागोस्। संसद विशेष अवस्थामा बाहेक सबैका लागि सधैँ बाध्यकारी हुनुपर्छ,' बुर्लाकोटीले निर्देशनमा भनेका छन् । 

रास्वपाले बैठक अवधिभर छलफल प्रभावित नहुने गरी खाजा वा अन्य निरन्तरताका लागि पालैपालो (आलोपालो) समय मिलाउन भनेको छ । 

यसैगरी कुनै पनि प्रस्ताव वा विधेयक निर्णयार्थ सदनमा पेश हुने समयमा अनिवार्य तोकिएका सबै सांसदको उपस्थिति रहनुपर्ने निर्देशन रास्वपाको छ । 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज