सबै कुरा

गैह्रीगाउँ हत्या प्रकरण : अभियुक्तलाई आजीवन काराबासको मागदाबी सहित मुद्धा दर्ता

सिधाकुरा

शुक्रबार, असोज २६, २०८०

गैह्रीगाउँ हत्या प्रकरण : अभियुक्तलाई आजीवन काराबासको मागदाबी सहित मुद्धा दर्ता

काठमाडौँ : काठमाडौँ गै‌रीगाउँ हत्या प्रकरणका अभियुक्त २३ वर्षीय सञ्जय भण्डारीविरुद्ध मुद्दा दायर भएको छ । ४ जनाको सामूहिक हत्या गरेको अभियोगमा उनीमाथि सरकारी वकिलको कार्यालयले आजीवन काराबासको मागदाबीसहित मुद्धा दर्ता गरेको हो ।

Watch On

भण्डारीको कपडा र हतियारमा लत्पतिएको रगत र मृतकहरुको डीएनए मिलेको प्रहरीको भनाई छ ।

बुधबार उनीविरुद्धको अनुसन्धान सकेर प्रहरीले रायसहितको प्रतिवेदन जिल्ला सरकारी वकिलको कार्यालयमा बुझाएको थियो । व्यक्तिगत प्रतिशोध (रिसिबी)का कारण हत्या भएको भनिएको उक्त प्रकरणमा प्रहरीले विविध प्रविधिको परीक्षण गरेर अनुसन्धान प्रतिवेदन बुझाएको थियो ।

उनी फरक क्षमता (बोल्न नसक्ने) भएकाले प्रहरीले दोभासेमार्फत बयान लिएको थियो । बयानका क्रममा सञ्जयले प्रहरीलाई नै चकित पार्ने बयान दिएपछि उनको ब्रेन म्यापिङ् समेत गरिएको थियो ।

भण्डारी गत भदौ २९ गते काठमाडौँको गैह्रीगाउँस्थित दिव्य सःमिलमा भएको ४ जनाको सामूहिक हत्या प्रकरणमा संलग्न भएको आरोपमा पक्राउ परेका थिए । उनले उक्त फर्निचरमा कार्यरत दोलखाका ५६ वर्षीय कुमार भुजेल, उनकी श्रीमती ५० वर्षीया अम्बिका भुजेल, आमा ७६ वर्षीया सुभद्रा भुजेल र धनकुटाका १९ वर्षीय विशाल राईको हत्या गरेको प्रहरीले बताएको थियो ।

प्रकाशित मिति: शुक्रबार, असोज २६, २०८०

प्रतिक्रिया दिनुहोस्