माथिल्लो अरुण र अरुण चौथो परियोजनाको छलफलमा कुलमानलाई बाइपास
काठमाडौँ । ऊर्जामन्त्री दीपक खड्काले सोमबार मन्त्रालयमा दुई ठूला परियोजनाबारे छलफल कार्यक्रम आयोजना गरे । आफ्नो भेग समेत पर्ने भएकाले मन्त्री खड्कालाई माथिल्लो अरुण र अरुण चौथो जलविद्युत् परियोजनामा खास काम गरेको देखाउनु पर्ने बाध्यता छ ।
तर, यति महत्वपूर्ण छलफलमा विद्युत प्राधिकरणका कार्यकारी निर्देशक कुलमान घिसिङलाई भने बाइपास गरिएको छ । आयोजनाबारेको मंगलबारको छलफलमा अप्पर अरुण हाइड्रोपावर कम्पनीका प्रबन्ध सञ्चालक फणिन्द्र जोशी, प्राधिकरणका आयोजना विकास विभागका निर्देशक नसिवमान सिंहप्रधान र अप्पर अरुणका आयोजना प्रमुख रामचन्द पौडेल सहभागी थिए ।
छलफलमा मन्त्री खड्काले आयोजना सहजीकरण गरेर छिट्टै निर्माण अघि बढाउनु पर्ने निर्देशन दिए । उनले सो परियोजनासँग धेरै मानिसको भरोसा जोडिएको पनि बताए । छलफलमा सहभागी एक सदस्यकाअनुसार मन्त्रीले आफ्नो ठाउँमा स्टन्ड गर्नका लागि आजको छलफल आयोजना गरेको सिधाकुरालाई बताए ।
‘हामीले मन्त्रीलाई भन्ने खासै केही कुरा नै हुन्न । कार्यकारी निर्देशकले भन्ने हो । मन्त्रीको निर्देशन पनि उनैमार्फत हामीलाई आउने हो,’ ति सदस्य भन्छन्, ‘कार्यकारी निर्देशकलाई नबोलाई हामीलाई मात्रै छलफलमा बोलाइएको थियो । हामीले सोधेका कुरा भन्यौँ । खासमा आजसम्मको प्रगतिको बारेमा बतायौँ ।’
अर्का एक सहभागीकाअनुसार परियोजनाहरू बारेको छलफलमा यस अघि नेपाल विद्युत प्राधिकरणका कार्यकारी निर्देशक सहितका आवश्यक सदस्य बस्ने प्रचलन थियो । तर यसपटक मन्त्रीले चिसो सम्बन्धका कारणले कुलमानलाई नबोलाएको हुन सक्ने उनी बताउँछन् ।
‘कुलमान सरलाई जसरी पनि बर्खास्त गर्न हात धोएर लागेका मन्त्री खड्काले आजको छलफलमा उहाँलाई किन बोलाउँथे । काम देखाउनु पनि छ तर अधुरो र अपुरो स्टन्ड पनि जारी छ’ ति सदस्यले भने । प्राधिकरणकाअनुसार सो छलफलमा कार्यकारी निर्देशक घिसिङलाई निमन्त्रणा नै गरिएको थिएन ।
विश्व बैंकको ऋण सहयोगमा नेपालले निर्माण गर्न लागेको माथिल्लो अरुण १ हजार ६३ मेगावाटको परियोजना हो । नेपाली बैंक र विश्व बैंकसहितका वित्तिय संस्थाहरूको लगानीमा यो परियोजना निर्माण गर्न २०७९ सालमा सहमति बनेको थियो ।
परियोजनाको लागत २ खर्ब ८५ अर्ब रुपैयाँ नेपाली अनुमान गरिएको छ । यस्तै यसैको उप आयोजनाको रुपमा ४९० मेगावटको अरुण चौथो परियोजनाको पहिचान गरिएको छ । जसको लागत ६५ अर्ब रुपैयाँ लाग्ने अनुमान गरिएको छ ।
-1761910680.jpg)
यस्तो छ आजका लागि सागसब्जी र फलफूलको थोक मूल्य
समितिका अनुसार गोलभेँडा ठूलो (भारतीय) प्रतिकिलो रु ८०, गोलभेँडा सानो (लोकल) प्रतिकिलो रु ३५, गोलभेँडा सानो (टनेल) प्रतिकिलो रु १००, गोलभेँडा सानो (भारतीय) प्रतिकिलो रु ७०, आलु रातो... बुधबार, कात्तिक १९, २०८२
मूल्य नपाउने पीरले दाङका किसानले खनेकै छैनन् अदुवा
गत वर्ष यही याममा रु ५५ देखि ६० प्रतिकिलो अदुवा बेच्नुभएका खड्कालाई अहिले बजार भाउले निकै खिन्न बनाएको छ । बजार भाउ रु ३० देखि ३५ रहेका कारण... मंगलबार, कात्तिक १८, २०८२
सहकारीमार्फत गुल्मीमा मकैको पीठो बजारीकरण गरिदैं
बजारमा मकैको पीठोको माग बढ्न थालेको साना किसान कृषि सहकारी संस्थाका अध्यक्ष हरि छन्तेलले बताए । राष्ट्रिय कृषि आधुनिकीकरण कार्यक्रम कार्यान्वयन इकाइ गुल्मीले उद्योगका लागि केही उपकरण अनुदानमा... मंगलबार, कात्तिक १८, २०८२
प्रतितोला १ हजार ४०० ले घट्यो सुनको मूल्य
नेपाल सुनचाँदी व्यवसायी महासङ्घका अनुसार आज सुन प्रतितोला रु दुई लाख ३८ हजार ३०० र चाँदी प्रतितोला रु तीन हजार १५ मा खरिदबिक्री भइरहेको छ । मंगलबार, कात्तिक १८, २०८२भर्खरै
- मादक पदार्थ सेवन गरेका व्यक्तिको चिर्पट प्रहारबाट तनहुँका खुसीमान गुरुङको मृत्यु
- नानक जयन्ती मनाइँदै
- यस्तो छ आजका लागि सागसब्जी र फलफूलको थोक मूल्य
- सञ्चारमन्त्रीको पहिलो निर्णय कार्यान्वयन, काठमाडौँका महत्वपूर्ण १९ स्थानमा निःशुल्क वाइफाइ
- यस्तो छ आगामी २४ घण्टाको मौसम पूर्वानुमान
- राष्ट्रपति पौडेलद्वारा दोस्रो विश्व सामाजिक विकास शिखर सम्मेलनलाइ सम्बोधन
- एमाले नेता पासाङ शेर्पा पक्राउ, बहुविवाह मुद्दामा भएको थियो जेलसहित जरिवानाको फैसला
- महाधिवेशन सम्बन्धी कांग्रेस केन्द्रीय बैठकमा महामन्त्री र सहमहामन्त्रीबीच फरक प्रस्ताव पेस
