समाज

इजरायलद्वारा इरानमाथि भयानक हवाई आक्रमण, राजधानी तेहरान देखि न्युक्लियर भण्डारण क्षेत्र पनि निशानामा

सिधाकुरा

शुक्रबार, जेठ ३०, २०८२

इजरायलद्वारा इरानमाथि भयानक हवाई आक्रमण, राजधानी तेहरान देखि न्युक्लियर भण्डारण क्षेत्र पनि निशानामा

काठमाडाैँ । शुक्रवार मध्यरातदेखि इजरायलले इरानमाथि भयानक हवाई आक्रमण सुरु गरेको छ ।

Watch On

अन्तर्राष्ट्रिय सञ्चार माध्यमहरुकाअनुसार इजरायलले गरेको आक्रमणमा इरानका उच्च सैन्य अधिकारीसहित परमाणु कार्यक्रममा काम गर्ने वैज्ञानिकसमेत मारिएका छन् । मध्यरात सुरु भएको इजरायली आक्रमण राजधानी तेहरान र यसका सैनिक क्षेत्रहरूसहित ६ फरक फरक सहर र इरानको परमाणु भण्डारण केन्द्र रहेको क्षेत्रमा रहेको अलजजिराले उल्लेख गरेको छ । इजरायलले हमला गरेको नाटाज क्षेत्र इरानको परमाणु केन्द्र हो ।

इरान सरकारी सञ्चार माध्यमहरूले इजरायलले इरानमाथि आक्रमण गरेको पुष्टि गरेका छन् ।

इजरायली आक्रमणमा इरान रिभोल्युशनरी गार्ड कप्र्स (आईआरजीसी) का प्रमुख हुसेन सलामीको मृत्यु पुष्टि भएको छ ।

यस्तै, इरानको परमाणु ऊर्जा सङ्गठनका पूर्वप्रमुख फिरेदून अब्बासी र तेहरानस्थित इस्लामिक स्वतन्त्र विश्वविद्यालयका अध्यक्ष मोहम्मद मेहदी तेहरानचीको पनि मृत्यु भएको बिबिसीले जनाएको छ ।

अन्तर्राष्ट्रिय अटोमिक इनर्जी एसोसिएसनले पनि इजरायलले इरानको न्युुक्लियर साइटमा आक्रमण गरेको पुष्टि गरेको छ । एसोसिएसनका अध्यक्ष राफेल घर्साइले इरानको नाटाज क्षेत्रमा आक्रमण भएको जानकारी दिएका छन् ।

प्रकाशित मिति: शुक्रबार, जेठ ३०, २०८२

प्रतिक्रिया दिनुहोस्