काठमाडौँ । सुन तस्करी प्रकरणमा पक्राउ परेकी अमला रोकालाई घरौटीमा रिहा गर्न अदालतले आदेश दिएको छ । आइतबार हेर्दाहेर्दैमा रहेको मुद्दामा सोमबार जिल्ला अदालत काठमाडौँका न्यायाधीश बलराम लम्सालको इजलासले रोकालाई २ लाख धरौटीमा रिहा गर्न आदेश दिएको हो । 

उनी ६० किलो सुन तस्करी प्रकरणमा कारागारमा रहेको दाबा छिरिङकी श्रीमती हुन् । लामो समयदेखि फरार रहेकी उनलाई शुक्रबार प्रहरीको केन्द्रिय अनुसन्धान ब्यूरोले पक्राउ गरेको हो ।

त्यस्तै आइतबार अदालत पेश भइकी उनको थुनछेक बहस नसकिएपछि हेर्दाहेर्दैमा परेको थियो । सो बहसपछि सकिएपछि सोमबार उनलाई धरौटीमा रिहा गर्न आदेश भएको जिल्ला अदालतका सूचना अधिकारी दिपककुमार श्रेष्ठले सिधाकुरालाई बताए । 

अमला ६० किलो सुन तस्करी प्रकरणमा जोडिएको ठमेलको भियना हाटेलकी सञ्चालक हुन् । दावा पक्राउ पर्दा घरमै रहेकी अमला पछि फरार भएकी थिइन् ।

उनको खोजीका लागि अन्तर्राष्ट्रिय अपराध प्रहरी संगठन ९इन्टरपोल०मा डिफ्यूजन नोटिस समेत जारी भएको थियो । 

उनी फरार रहेकै अवस्थामा नेपाल प्रहरीको केन्द्रिय अनुसन्धान ब्यूरो सीआईबीले प्रतिवादी बनाएर मुद्दा दर्ता गर्नु पर्ने रायसहितको प्रतिवेदन जिल्ला सरकारी वकिललाई बुझाएको थियो । 

गत साउन १४ गते राजश्व अनुसन्धान विभागले अमलाका पति दावालाई नियन्त्रणमा लिएको थियो ।  दावा पक्राउ परेको केही दिनपछि पुर्वउपराष्ट्रपति तथा माओवादी नेता नन्दबहादुर पुनसँग भेटेको भिडियो पोष्ट गरेकी अमला पछि भने नेपाल प्रहरीको फरार सूचीमा रहेकी थिइन् ।

अमलाले दावाको समुहले हङकङ र चीनबाट ल्याउने सुन व्यवस्थापनमा दावालाई सहयोग गर्दै आएकी थिइन् । उनीहरुकै व्यवस्थापनमा रेडी ट्रेडबाट मात्रै ३०२ किलो ६२ ग्राम सुन तस्करी भएको अनुसन्धानमा देखिएको थियो  । 

साथै उनी माओवादीका उपमहासचिव वर्षमान पुनकी चेली समेत हुन् । वर्षमानका भाई प्रनेश पुन र दावा पत्नी अमला सुन उत्खनन् तथा प्रसोधन गर्ने कम्पनी भियना मल्टीप्रपोजको व्यापारिक साझेदार रहेको सिधाकुराले खुलासा गरेको थियो । 

गत साउन २ गते राजस्व अनुसन्धान विभागले त्रिवि विमानस्थलको भन्सार जाँच पास गरेर बाहिरिएको ६०  किलो सुन बरामद गरेको थियो । त्यसको १९ दिनपछि फाइल सीआईबीमा सारेको थियो । 

६० किलो सुन तस्करी प्रकरण : फरार प्रतिवादी अमला रोकाविरूद्ध इन्टरपोलमा डिफ्युजन नोटिस जारी

सुन प्रकरणमा दावा पत्नी अमला फरार प्रतिवादी, विदेश भागेको आशंका

EXCLUSIVE : शहिद परिवारको भत्ता खाने दावा पत्नी अमलाको अटोमोबाइल्सदेखि क्यासिनोसम्म लगानी

र्सेक्रेट्स अफ गोल्ड माफियाका श्रृङ्खलाहरु 

श्रृङ्खला १ : सुन तस्कर जोगाउन प्रधानमन्त्री र गृहमन्त्रीको दबाबमा गैरकानूनी अनुसन्धान श्रृङ्खला २ : सुन तस्करीमा ‘बिध ल्याब’का मालिक भिमकान्त भण्डारीश्रृङ्खला ३ : Exclusive : सुन तस्करीमा जोडिए अध्यागमन विभागका महानिर्देशक अधिकारी, गृहमन्त्रीको भूमिकामा गम्भिर प्रश्न ? श्रृङ्खला ४ : EXCLUSIVE : सुन तस्करीका नाइके दावासँग पूर्व IGP धीरज प्रताप सिंहको ‘हिमचिम’ श्रृङ्खला ५ : तस्करीको सुन प्रशोधन गर्ने दावाको कम्पनीमा वर्षमान पुनको पारिवारिक साझेदारी श्रृङ्खला ६ : EXCLUSIVE : शहिद परिवारको भत्ता खाने दावा पत्नी अमलाको अटोमोबाइल्सदेखि क्यासिनोसम्म लगानी श्रृङ्खला ७ : विदेशी दावालाई नेपाली वंशज नागरिकता ‘होम डेलिभरी’ ! फर्जी विवरण झपेन्द्रद्वारा प्रमाणिकरणश्रृङ्खला ८ : सुन तस्करहरुको मास्टर कोड ‘१० रुपैयाँको नोट’ सुन तस्करी प्रकरणमा सीआईबीको अधुरो अनुसन्धान, कसको के भुमिका ?

६० किलो सुन प्रकरणमा एक सातादेखि प्रतिवादीकाे बहस जारी, डा भिमार्जुन सहित वरिष्ठ अधिवक्ताहरू सुन तस्करको प्रतिरक्षामा