समाज

रामहरि खतिवडालाई सांसद थानीको प्रश्न, सचिव र तपाईँबाहेक कोर टिममा को को थिए ?

सिधाकुरा

बुधबार, असार १८, २०८२

रामहरि खतिवडालाई सांसद थानीको प्रश्न, सचिव र तपाईँबाहेक कोर टिममा को को थिए ?

काठमाडौँ । संघीय निजामती सेवा विधेयकमाथि भएको विवादबारे नेपाली कांग्रेसका सांसद हृदयराम थानीले आपत्ति जनाएका छन्। प्रतिनिधिसभाको राज्यव्यवस्था तथा सुशासन समितिको बुधबारको बैठकमा थानीले समितिका सभापति रामहरि खतिवडा र सचिव सुरजकुमार दुरामाथि विधेयकमा ‘मनपरी र चलखेल’ गरिएको भन्दै उच्चस्तरीय संसदीय समिति गठन गरेर छानबिन गर्नुपर्ने माग गरेका हुन्।

Watch On

सांसद थानीले समितिका सचिव सुरज दुरालाई सोधेका थिए, ‘तपाईं सचिव हो, नयाँ मान्छे होइन। यस्तो संवेदनशील विषयमा तपाईंले ठूला मान्छेको दबाबमा दफा ५ (क) राख्नुभयो कि ? नपढी सही गर्नुभयो कि ?’

उनले समितिका सभापति खतिवडामाथि पनि टिप्पणी गरे। “सभापति टाठा–बाठामध्येका एक हुनुहुन्छ। तपाईंले सभामा राख्नु पर्ने विधेयकमा अन्तिम समयमा किन हेरफेर गर्नुभयो ? कोर टिममा तपाईं र सचिवबाहेक कांग्रेस र एमालेबाट को–को थिए ?” भन्दै थानीले प्रश्न गरे।

थानीले विधेयकमा गरिएको हेरफेरबारे मन्त्रीहरूलाई समेत जानकारी नदिइएकोप्रति आश्चर्य व्यक्त गरे। ‘३ जना मन्त्रीलाई पनि जानकारी नहुने ? हामीले ताली बजाएर पारित गरेको विधेयकमा अन्तिम समयमा अर्कै कुरा राखियो,’ उनले भने, ‘यसरी संसदको अपमान भएको छ।’

प्रकाशित मिति: बुधबार, असार १८, २०८२

प्रतिक्रिया दिनुहोस्