समाज

गृहमन्त्रीलाई ज्ञानेन्द्र शाहीको प्रश्न, ‘जीबी राईसँग सरकारले कति अर्बमा डिल गर्यो ?’

‘प्रतिपक्षमा हुँदा पक्रिन्छु भन्ने गृहमन्त्री कुन दुलोमा लुक्नुभयो ?’

सिधाकुरा

मंगलबार, असार २४, २०८२

गृहमन्त्रीलाई ज्ञानेन्द्र शाहीको प्रश्न, ‘जीबी राईसँग सरकारले कति अर्बमा डिल गर्यो ?’

काठमाडौँ । राष्ट्रिय प्रजातन्त्र पार्टीका प्रमुख सचेतक ज्ञानेन्द्र शाहीले सहकारी ठगीमा फरार जीबी राईँसँग सरकारले डिल गरेको आरोप लगाएका छन् । मंगलबार प्रतिनिधिसभामा बोल्दै शाहीले प्रतिपक्षमा हुँदा राईँलाई पक्रिन्छु भन्ने गृहमन्त्री कुन दुलोमा पस्नुभयो भन्ने प्रश्न गरेका छ्न् ।

Watch On

झन्डै ७३ लाख ८१ हजार सर्वसाधारणको पैसा ठगी गर्ने व्यक्तिलाई सरकारले संरक्षण गरेको उनको आरोप छ । उनले भने ‘यो जीबी राई चाहिँ कहाँ छन् हो आजभोलि ? जीबी राई कहाँ छन् ? आज झन्डै ७३ लाख ८१ हजार सर्वसाधारणको पैसा ठगी भएको छ सहकारीमा। जीबी राईलाई अहिलेको सरकारले कति अर्बमा डिल गर्यो ?, यो खोज्ने कार्य जारी गर्नुपर्यो। हिजो प्रतिपक्षमा हुँदाखेरि त जीबी राई पक्रिएर ल्याउँछु भन्ने गृहमन्त्री आज कुन दुलोमा लुकेर बस्नुभएको छ ?’

त्यस्तै उनले नेपाल सरकारले चाह्यो भने गर्न नसक्ने के छ भन्दै जीबी राईलाई सरकारले लुकाएर राखेको उनले बताए । ‘जीबी राई चाहियो यहाँ ! कहाँ लुकाएर राख्नुभएको छ जीबी राईलाई ? यसरी देश र जनताको पैसा खाने ? कहाँ छन्, कुन ठाउँ छन्, कता छन् ? नेपाल सरकारले चाह्यो भने गर्न नसक्ने के कानूनी आधार छन् ?’, शाहीले प्रश्न गरे ।

प्रकाशित मिति: मंगलबार, असार २४, २०८२

प्रतिक्रिया दिनुहोस्