स्थानीय कच्चा पदार्थ प्रयोगको माग गर्दै खोटाङका मेयरले माइतीघरमा बाँस बोकेर सुरु गरे सत्याग्रह

काठमाडौँ ।खोटाङको दिक्तेल रुपाकोट मझुवागढी नगरपालिका नगर प्रमुख तीर्थराज भट्टराईले कपाल मुन्डन गरेर काठमाडौँको माइतीघरमा सत्याग्रह थालेका छन् ।  नगर प्रमुख तीर्थराज भट्टराईले स्थानीय कच्चा पदार्थ प्रयोग गर्न संघीय ऐन वाधक भएकाले पटक पटक लिखित तथा मौखिक अनुरोधलाई संघीय सरकारले वेवास्ता गरेको भन्दै सत्याग्रह सुरु गरेका हुन् । उनले सात बुदे मागसहित सत्याग्रह सुरु गरेका छन् । 

Watch On

सिंहदरबारको को दक्षिण गेट अगाडि केश मुन्डन गर्ने भनि पुगेका उनि  निषेधित क्षेत्र भनि प्रहरीले नियत्रण लिएर माइतिघरमा छाडी दिएको हो । उनि अहिले माइतीघर मण्डला पुगि सत्याग्रह सुरु गरेका छन् । 

यस्ता छन् भट्टराईका मागहरूः 

• जलवायु परिवर्तनको असरलाई जोगाउन सरकारले ठोस कानून बनाउँदै प्रदूषण धेरै गर्ने अरू देशसँग क्षतिपूर्ति लिने ।
•  बाँस र अन्य कच्चा पदार्थ सरकारी कार्यालयमा प्रयोग गर्न विल्डिङ कोड र नम्स तयार गरी कानून निर्माण गरिदिने ।
• प्लास्टिकजन्य फोहोर उत्पादन गरी प्रदूषण गर्ने उ‌द्योगीसँग स्थानीय तहले अतिरिक्त १० प्रतिशत कर लिन पाउने कानून बनाउनु पर्ने ।
•  जथाभाबी प्रकृतिको दोहन गर्ने क्रसर, उ‌द्योग लगायतलाई कडाइकासाथ रोकी कडा कानून बनाई कारबाही गरिनु पर्ने ।
• पहिलो चरणमा वन र उ‌द्योग मन्त्रालय र मातहतका सबै निकायले फर्निचर खरिद गर्दा बोस, काठ, राडी पाठी, वातावरण र पर्यावरण मैत्री फर्निचर र भवन संरचना बनाउने नीतिगत निर्णय गरियोस् ।
• विशेषतः काठमाडौबाट खोटाङ जाँदा बाटोमा परेका पुल, सडक र संरचना अलपत्र पार्नेलाई कडा कानुनी कारबाही गरि तत्काल निर्माणको काम सुरु गरियोस् ।
• पहाडी भूभागमा बाँदर तथा वन्यजन्तुको आतंकबाट बसाइसराइको दर बढेको हुँदा तत्काल नीतिगत निर्णय निर्णय गरी क्षतिपूर्ति तथा बाँदर व्यवस्थापन गरियोस् । तस्बिरहरू : नेपाल फोटो लाइब्रेरी

•