खिलबहादुरलाई भारत लगेर मिर्गौला तस्करी गर्ने एक जना पक्राउ, लिन्थे प्रति व्यक्ति ५० हजार कमिसन

काठमाडौँ । सिन्धुलीको दुधौली नगरपालिका–१ का खिलबहादुर भुजेललाई भारत पुर्‍याएर मिर्गौला तस्करी गर्ने गिरोहका एक जना पक्राउ परेका छन् । 

Watch On

स्रोतका अनुसार भुजेललाई काठमाडौँबाटै सुनौली नाका हुँदै भारत पुर्‍याउने तथा ल्याउने नुवाकोटका समीर परियार पक्राउ परेका हुन् । उनले एक जना व्यक्ति बराबर ५० हजार रुपैयाँ कमिसन लिने गरेको खुलेको छ । 

मानव बेचबिखन अनुसन्धान ब्युरोका प्रवक्ता प्रहरी उपरीक्षक नरेन्द्र कुँवरले पनि एक जनालाई नियन्त्रण लिएर अनुसन्धान थालिएको पुष्टि गरे । 'बुधवार एक जनालाई नियन्त्रणमा लिएर मिर्गौला तस्करीमा उनको भूमिका बारे अनुसन्धान गरिरहेका छौँ, आज थप कानुनी प्रक्रिया अघि बढ्छ' प्रवक्ता कुँवरले भने ।

खिलबहादुरले सुरुमा आफूलाई पोखराबाट अपहरण गरी भारत लगिएको भने पनि अनुसन्धानका क्रममा भने उनलाई काठमाडौँबाटै फकाई फुलाई सुनौली नाका हुँदै भारती पुराइएको पाइएको खिलबहादुरका दाइ मानबहादुर भुजेलले बताए । 

मानबहादुरका अनुसार गिरोहले जडीबुटीबाट खिलबहादुरलाई कीर्तिपुर पुर्‍याएर स्वास्थ्य परीक्षण गरेपछि कंलकीमा खाजा र मदिरा सेवन गराएका रहेछन्, नौबिसेमा खाना खुवाएर सुनौली नाका हुँदै भारत पुराएको रहेछ । साथै खिलबहादुरको मिर्गौला साउन ९ गते नै झिकिएको समेत पाइएको छ । 

यस अघि खिलबहादुरले आफूलाई पोखराबाट राम्रो रोजगारीको प्रलोभन देखाएर भारत लगेको तर कामको पैसा माग्ने बेलामा बेहोस बनाई मिर्गौला झिकेको बताएका थिए । उनले आफू होसमा आउँदा काठमाडौँको कलकीमा भएको बताएका थिए । 

तस्करले बेहोसिमै भारत पुर्याएर किड्नी चोरे !
स्रोतका अनुसार खिलबहादुर सहित ५ जना अन्य व्यक्ती लाई पनि भारत लगिएको आशङ्का गरिएको छ । यस विषयमा थप अनुसन्धान भइरहेको प्रहरीले जनाएको छ ।