ख्याल ख्यालमै ८४ मा पत्तासाफ भइन्छ भन्ने भयले कांग्रेसका दुई महामन्त्रीहरू बर्बराउन थालेः उपसभापति डा.स्वर्णिम वाग्ले

काठमाडौँ । राष्ट्रिय स्वतन्त्र पार्टी (रास्वपा_ का उपसभापति डा। स्वर्णिम वाग्लेले रास्वपाको उदयले कांग्रेसका दुई महामन्त्रीहरू बर्बराउन थालेको बताएका छन् । केन्द्रीय समिति बैठकपछि पार्टी कार्यलयबाट बाहिरिने क्रममा सञ्चारकर्मीहरुको जिज्ञासामा जवाफ दिँदै वाग्लेले यस्तो बताएका हुन् ।

Watch On

उनले महामन्त्रीहरुले बोलेको स्तरमा आफ्नो तहबाट जवाफ दिन नपर्ने भन्दै उनीहरूलाई आफ्नो रूपन्देहीका नयाँ उम्मेदवार सुलभ खरेलबाट सिक्न पनि अनुरोध गरे । बुधबारको संसद बैठकमा बोल्दै नेपाली कांग्रेसका सांसद एवम् महामन्त्री विश्व प्रकाश शर्माले जेलमा रहेका रास्वपाका महामन्त्री रवि लामिछानेलाई गाली गरेका थिए । सञ्चाकर्मीहरुले त्यसै विषयमा वाग्लेको धारणा माग गरेका थिए । 

‘मैले कांग्रेस छोडेको अढाई वर्षमा कांग्रेसका दुई महामन्त्रीलाई खासै गाली गरेको छैन् तर उहाँहरु किन बर्बराई रहनुभएको छ ? मलाई अचम्म लाग्छ,’ उपसभापति वाग्लेले थपे,‘सायद ख्याल ख्यालमै ८४ मा पत्ता साफ भइन्छकी भन्ने भयले हुनसक्छ । उहाँहरूको स्तरमा गिरेर बोलिरहन खासै जरुरी पनि लाग्दैन ।’

महामन्त्री विश्वप्रकाश शर्माप्रति इगिंत गर्दै उपसभापति वाग्लेले केही समय देखि बेपत्ता अवस्थामा रहेका महामन्त्री अहिले बोलेको बन्दै व्यङ्ग्यात्मक कटाक्ष पनि गरे ।

‘म तनहुँमा चुनाव लडिरहेको बेला दमौलीमा साडी बाँड्दै हुनुहुन्थ्यो । त्यसपछि दुई तीन पटक संसदमा बोलेको सुने । हिमाल चढ्दै गरेको सुने । घोषणा पत्रबारे हाकाहाकी झुट बोल्दिनुभयो । जबकी त्यसको ड्राफ्ट मैले नै गरेको थिएँ, ’ वाग्लेले भने, ‘यो स्तरको जवाफ मेरो लेबलबाट दिनु पर्दैन । भर्खरै रूपन्देही ३ मा चुनाव लड्न आउनु भएका नयाँ उम्मेदवार सुलभ खरेलले दुई तीन साता अघि लेख्नु भएको छ । उहाँहरूलाई त्यही कुरा पढ्न रिडिङ लिस्ट सिफारिस गर्छु ।’ 

पार्टी सभापति रवि लामिछानेको कारागार बसाईबारे सञ्चार माध्यममा आएका कुरा सत्य भएको उनले बताए । आफूले दर्जनौँ पटक रविलाई यस्तै संरचना अघिबाट छाता ओढेर भेटेको वाग्लेले बताए ।

नयाँ पत्रिकाको समाचार आएको फोटो सक्कल र सही विश्लेषणसहितको स्केच भएको वाग्लेले बताए । आफुले ताल्चा लगाएको कारागारको बाहिर बसेर रविलाई भेटेको भन्दै उनले त्यस बखत मन चसक्क भएको बताए ।