पार्टी र सांसदको मूल्याङ्कन गराउन खाली कागज बोकेर रास्वपाको घरदैलो
काठमाडौँ । राष्ट्रिय स्वतन्त्र पार्टी (रास्वपा)का सांसद तथा प्रतिनिधि सभाका उम्मेदवारहरू आफ्ना कमजोरी र जनताको सुझाव सुन्न खाली कागज लिएर मतदाताको घरघर जाँदै छन् ।
प्रतिनिधि सभा निर्वाचनको एक वर्ष पूरा भएको सन्दर्भमा रास्वपा र आफ्ना सांसदलाई जनताबाटै समीक्षा गराउन लागेको हो ।
राष्ट्रिय स्वतन्त्र पार्टीका सभापति रवि लामिछानेका अनुसार निर्वाचनमा वाचा पत्र बोकेर पुगेका सांसद तथा उम्मेदवारहरू यो पटक भने निर्वाचनपछि जनताले पार्टी र सांसदलाई कसरी मूल्याङ्कन गरिरहेका छन् भन्ने बुझ्न खाली कागज लिएर घरघरमा पुग्न लागेका हुन् ।
रास्वपाका प्रत्यक्ष निर्वाचित ७ सांसद, समानुपातिकतर्फका १३ जना सहित उम्मेदवारले दिएको खाली कागजमा जनताले ३ वटा विषयमा लेख्न पाउने छन् ।
घरदैलोका लागि चितवन जाँदै गरेका सभापति लामिछानेले भने 'निर्वाचनमा वाचा पत्र बोकेर गएका थियौँ, यस पटक जनताले हामीलाई कसरी मूल्याङ्कन गरिरहेका छन्, हाम्रा कमजोरीहरू के के छन् र जनताका लागि हामीले के कुरालाई प्राथमिकता राख्नु पर्ने छ भन्ने जनताबाटै बुझ्न घरदैलो गर्दै छौ'।
सभापति लामिछानेका अनुसार जनताले पार्टी, नेता तथा सांसदको भूमिका र कार्यशैलीमा देखिएका कमीकमजोरी लेख्न पाउने छन् भने दोस्रोमा पार्टी र सांसदले खेल्नु पर्ने भूमिकालाई सुझावका रुपमा राख्नु पर्ने छ ।
यस्तै तेस्रोमा आफ्नो ठाउँमा पार्टी र सांसदले प्राथमिकता दिनु पर्ने ३ वटा विषय लेख्नु पर्ने छ । मंसिर २ देखि ४ गतेसम्म जनताले भरेको कागज सङ्कलन गर्न ५ गते देखि ७ गतेसम्म पुन पार्टीको नेताहरु पुग्ने छन् ।
जनताबाट प्राप्त कमजोरी, सुझाव र प्राथमिकतालाई समेटेर सांसद तथा उम्मेदवारहरूले रिपोर्ट तयार पार्ने छन् । उक्त रिपोर्टहरू माथि मंसिर ११ देखि १३ गतेसम्म महोत्तरीको जलेश्वरमा हुने केन्द्रीय समिति र संसदीय दलको संयुक्त बैठकमा छलफल हुने रास्वपाले जनाएको छ ।
-1761910680.jpg)
गृहमन्त्रीलाई सुदन गुरुङको चेतावनीः अझै जुका टाँसिए जसरी पदमा बसे २ दिनमा भविष्य निर्धारण हुनेछ
बिहीबार, कात्तिक २०, २०८२
सरकारको भूमिकामाथि कटाक्ष गर्दै सुदन गुरुङ भन्छन् ‘लाग्दैछ आन्दोलन हार्दैछ’
जेनजी आन्दोलनका अभियन्ता डा। निकोलस भुसाल पक्राउ गरेकोमा उनले गृहमन्त्री अर्यालसँग असन्तुष्टि पोखेका छन् । निकोलस भुसाल र एमाले नेता महेश बस्नेतको अभिव्यक्ति एकै प्रकृतिको भए पनि गृहमन्त्री... बिहीबार, कात्तिक २०, २०८२
प्रधानमन्त्री कार्की र पूर्वराष्ट्रपति यादवबीच भेटघाट, निर्वाचनको तयारीका विषयमा चर्चा
प्रधानमन्त्री कार्कीले आफू जेनजी आन्दोलनको भावनाअनुसार मुलुकमा सुशासन कायम गर्दै जननिर्वाचित सरकारलाई शक्ति हस्तान्तरण गर्न लागिपरेको बताए । बिहीबार, कात्तिक २०, २०८२
सौराहामा रास्वपाको विस्तारित बैठक: ५ सय बढी प्रतिनिधिको यसरी हुँदै छ व्यवस्थापन
संयोजक ढकालका अनुसार विस्तारित बैठकको ७० प्रतिशत बढी तयारी सकिएको छ । हल व्यवस्थापन, लजिस्टिक व्यवस्थापन लगायतका कामहरू लगभग सकिएका छन् । बिहीबार बाटै प्रतिनिधिहरू चितवन आउने क्रममा... बिहीबार, कात्तिक २०, २०८२भर्खरै
- गृहमन्त्रीलाई सुदन गुरुङको चेतावनीः अझै जुका टाँसिए जसरी पदमा बसे २ दिनमा भविष्य निर्धारण हुनेछ
- पदमार्ग निर्माण पश्चात् अन्नपूर्ण आधार शिविर पुग्ने पर्यटकको संख्यामा वृद्धि
- सरकारको भूमिकामाथि कटाक्ष गर्दै सुदन गुरुङ भन्छन् ‘लाग्दैछ आन्दोलन हार्दैछ’
- प्रधानमन्त्री कार्की र पूर्वराष्ट्रपति यादवबीच भेटघाट, निर्वाचनको तयारीका विषयमा चर्चा
- सौराहामा रास्वपाको विस्तारित बैठक: ५ सय बढी प्रतिनिधिको यसरी हुँदै छ व्यवस्थापन
- राजा महेन्द्रले बसाएको व्यवस्थित शहर महेन्द्रनगर
- नेपाली कम्युनिस्ट पार्टीले दल दर्ताका लागि आयोगमा दियो निवेदन
- सुनचाँदीको मूल्यमा सामान्य वृद्धि
