मुख्य समाचार

भू–उपयोग नियमावली संशोधनको प्रक्रिया अघि बढाउने निर्णय

सिधाकुरा

मंगलबार, असोज ७, २०८२

काठमाडौँ । भूमि व्यवस्था, सहकारी तथा गरिबी निवारणमन्त्री अनिलकुमार सिन्हाले भूउपयोग नियमावली संशोधनको प्रक्रिया अघि बढाउने निर्णय गरेका छन् ।

मंगलबार मन्त्रालयमा पुगेर पदभार ग्रहण गर्दै मन्त्री सिन्हाले भूमि सुधारका कार्यक्रम लागू भएपनि अझै पनि केहि समस्या रहेको भन्दै त्यसलाई समाधान गर्न भूउपयोग नियमावली संशोधन गर्ने निर्णयमा हस्ताक्षर गरेका हुन । किताकाट रोकिएका कारणले बिकास सम्बन्धी बिषयमा कठिन भएकाले सहजीकरण गर्नका लागि नियमावली संशोधनको आवश्यकता देखिएको उनले बताए ।

त्यस्तै मन्त्री सिन्हाले स्थानीय तहलाई दिइएको अधिकार प्रयाप्त नभएकाले केन्द्रबाट आवश्यक सहजीकरण गर्ने धारणा व्यक्त गरेका हुन । उनले भूमि बैंकको स्थापनाका गर्नका लागि प्रारम्भीक कदम चाल्ने निर्णयमा हस्ताक्षर गरिएको जानकारी दिए ।

मन्त्री सिन्हाले जेनजी आन्दोलनका क्रममा भएको आगजनीको घटनामा पनि आफ्नो कतव्र्य पुरा गरेको भन्दै कर्मचारीको प्रशंसा गरेका थिए । यसअघि मन्त्री सिन्हाले सोमबार उद्योग, वाणिज्य तथा आपूर्ति मन्त्रालयमा पुगेर पदभार ग्रहण गरेका थिए । सिन्हालाई भूमि व्यवस्था, उद्योगका साथै कानून मन्त्रालयको समेत जिम्मेवारी दिइएको छ ।

प्रकाशित मिति: मंगलबार, असोज ७, २०८२

प्रतिक्रिया दिनुहोस्