सौराहामा रास्वपाको विस्तारित बैठक: ५ सय बढी प्रतिनिधिको यसरी हुँदै छ व्यवस्थापन

चितवन । राष्ट्रिय स्वतन्त्र पार्टी(रास्वपा)को केन्द्रीय विस्तारित बैठक २१ गतेबाट चितवनको सौराहा हुँदै छ । केन्द्रीय सदस्य तथा पूर्व सांसद हरि ढकालको संयोजकत्वमा विस्तारित बैठक मूल आयोजक समिति बनाएको थियो । यस अन्तर्गत विभिन्न ७ उपसमिति बनाए काम भैरहेको छ ।

Watch On

संयोजक ढकालका अनुसार विस्तारित बैठकको ७० प्रतिशत बढी तयारी सकिएको छ । हल व्यवस्थापन, लजिस्टिक व्यवस्थापन लगायतका कामहरू लगभग सकिएका छन् । बिहीबार बाटै प्रतिनिधिहरू चितवन आउने क्रममा सुरु भएको छ । रास्वपाका कार्यवाहक सभापति डिपी अर्याल लगायत केन्द्रीय प्रतिनिधिहरू दिउँसो चितवन पुग्ने छन् । 

कति आउँदै छन् प्रतिनिधि:
असोज २४ गतेको रास्वपाको सचिवालय बैठकले पार्टीको केन्द्रीय विस्तारित बैठक सौराहामा गर्ने निर्णय गरेको थियो । त्यसका लागि केन्द्रीय सदस्य सहित प्रदेश तथा पालिका र क्षेत्रबाट प्रतिनिधिलाई आमन्त्रित सदस्यकारुपमा सहभागी गराउने निर्णय गरेको थियो । 

रास्वपाका प्रवक्ता मनिष झाका अनुसार केन्द्रीय सदस्य, प्रदेशका पदाधिकारी, जिल्ला सभापति, अधिवेशन भएका पालिकाका सभापतिहरू प्रतिनिधिकारुपमा सहभागी हुने छ । यस्तै सबै निर्वाचन क्षेत्रका क्षेत्रीय सभापतिहरू पनि प्रतिनिधिकारुपमा विस्तारित बैठकमा सहभागी हुन् छन् ।  ५ सय ५० भन्दा धेरै प्रतिनिधि सहभागी हुने झाले जानकारी दिए ।

लेबी नतिर्ने प्रतिनिधि हुन नपाउने 
रास्वपाका प्रवक्ता मनिष झाका अनुसार बैठकमा सहभागी हुनेहरूले सचिवालयमा १५ सय रुपैयाँ तिरेर प्रतिनिधि कार्ड लिनु पर्ने छ । कार्ड नलिनेले बैठकमा सहभागी हुन पाउने छैनन् । 

खाना खाजा पार्टीको, बास आफ्नै खर्चमा 
विस्तारित बैठकमा सहभागी हुन चितवन पुग्ने प्रतिनिधिहरूका लागि रास्वपाले खाना खाजाको व्यवस्थापन गरेको छ भने आवासका लागि सहजीकरण गरे पनि आफ्नै खर्चमा बस्नु पर्ने छ । 
मूल आयोजक समितिका संयोजक हरि ढकालका अनुसार बिहान देखि रातीसम्मको खाना तथा खाजा बैठक स्थलमै व्यवस्थापन गरिएको छ । सौराहाका ५० बढी होटेलमा प्रतिनिधहरुको बसोबासको व्यवस्था मिलाइएको छ । तर बासको खर्च भने प्रतिनिधि स्यमंले तिर्नुपर्ने छ । 

 र्‍याट र चितवन सदस्यहरू स्वयंसेवक
रास्वपाले बैठक अवधीभरका लागि २ सय सदस्य भएको स्वयंसेवक टिम बनाएको छ । पदाधिकारी तथा प्रतिनिधिहरूका आवागमन व्यवस्थापन देखि बैठक स्थल भित्र बाहिरको व्यवस्थापनका लागि रास्वपाको र्‍यापिड एक्सन टिम तथा चितवनका जिल्ला सदस्य तथा वडा अध्यक्षहरू स्वयंसेवकको भूमिकामा रहने छन् ।

विस्तारित बैठकमा मूल त कार्यवाहक सभापति डिपी अर्यालले राजनीतिक प्रतिवेदन, उपसभापति डा.स्वर्णिम वाग्लेले निर्वाचन लक्षित वाचा पत्र र सहमहामन्त्री विपिन कुमार आचार्यले उम्मेदवार छनोटको प्रक्रिया बारे जानकारी गराउने छन् । त्यसपछि छलफल सुरु हुने  रास्वपाले जनाएको छ ।