सबै कुरा

रामेश्वर थापालाई १० हजार जरिवाना तिराउने प्राधिकरणको निर्णय

सिधाकुरा

सोमबार, भदौ ११, २०८०

रामेश्वर थापालाई १० हजार जरिवाना तिराउने प्राधिकरणको निर्णय

११ भदौ, काठमाडौं । सिम्रिक एयरका अध्यक्ष रामेश्वर थापालाई नोपाल नागरिक उड्डयन प्राधिकरणले १० हजार रुपैयाँ जरिवाना गराएको छ । अध्यक्ष थापाले प्राधिकरणको कार्यमा बाधा पुर्याएको भन्दै जरिवाना गरिएको हो ।

Watch On

थापाले प्राधिकरणको हवाई आकाशलाई सुरक्षित बनाउन गरेका आदेश तथा निर्देशनको कार्यान्वयनमा पटक–पटक अवरोध गरी विद्यमान कानूनको बर्खिलाप हुने गरी काम गरेको बताइएको छ ।

थापाले नेपाल नागरिक उड्डयन प्राधिकरणले गरेको विभिन्न सुरक्षा निर्देशनहरुको विरुद्धमा श्रृखलाबद्धरुपमा प्रत्यक्ष/अप्रत्यक्ष संलग्न भई विभिन्न माध्यम प्रयोग गरी गलत प्रचार गरि जनतामा भ्रम पैदा गरेको, प्राधिकरणले गरिहेको काम कारवाहीमा संन्देह उत्पन्न गराएर अडिटलाई प्रभाव पार्ने/नकरात्मक सन्देश दिने कार्य गरी प्राधिकरणको कानुनी प्राधिकार कार्यान्वयनमा अवरोध गरेको लगायतको आरोप लगाइएको छ ।

थापालाई प्राधिकरणले मिति २०८० भाद्र १ गते ७ दिने स्पस्टीकरण सोधेकोमा सो पत्रको जवाफ तोकेको समयावधि भित्र पेश नगरी प्राधिकरणको आदेश तथा निर्देशनको समेत अवज्ञा गरेका कारण नेपाल नागरिक उड्डयन प्राधिकरण ऐन, २०५३ को दफा २५ को उपदफा (२) बमोजिम १० हजार रुपैयाँ जरिवाना गरिएको हो ।

प्रकाशित मिति: सोमबार, भदौ ११, २०८०

प्रतिक्रिया दिनुहोस्