समाज

पार्टी छोडेर जानेलाई स्वर्णिमले भने, ‘पार्टीमा रहदाको योगदानका लागि दुई हात जोडेर धन्यवाद, राजनीतिक यात्राको शुभकामना'

सिधाकुरा

मंगलबार, मंसिर २, २०८२

पार्टी छोडेर जानेलाई स्वर्णिमले भने, ‘पार्टीमा रहदाको योगदानका लागि दुई हात जोडेर धन्यवाद, राजनीतिक यात्राको शुभकामना'

काठमाडौँ । राष्ट्रिय स्वतन्त्र पार्टीका उपसभापति डा. स्वर्णिम वाग्लेले पार्टी छोडेर गएका नेताहरुलाई धन्यवाद र शुभकामना दिएका छन् । उनले रास्वपाबाट जानेहरुको बारेमा अहिले चर्चा भएपनि रास्वपामा आउन लागेकाहरुको बारेमा केही समयमा थाहा हुने बताए ।

Watch On

उपसभापति वाग्ले आज सभापति रवि लामिछानेलाई भेट्न नख्खु कारागार पुगेका थिए । भेटमा सभापति लामिछानेसँग पार्टीमा आउन चाहनेहरुका बारेमा २ घण्टा छलफल भएको बताए । उनले सञ्चारकर्मीलाई प्रतिक्रिया दिदै रास्वमा आउन चाहनेको ओइरो लागेको पनि बताए ।

‘आउनेको ओइरोको बारेमा बिस्तारै थाहा हुँदै जान्छ । जानुभएका एक दुई जना पात्रहरुको बारेमा हाम्रो पार्टी स्पष्ट लाइन के छ भने उहाँहरुले पार्टीमा रहदा पुरर्याउनुभएको योगदानको लागि दुई हात जोडेर धन्यवाद । उहाँहरुको आगामी राजनीतिक यात्राको लागि शुभकामना । त्यो बाहेक हाम्रो पार्टीको अरु धारणा छैन ।’ डा. वाग्लेले भने ।

त्यस्तै उनले बालेनसँग पनि संवाद जारी रहेको बताए । ‘उहाँ आउनुहुन्छ, आउनुहुन्न, ल्याइन्छ ल्याइदैन, कुन पद के भन्ने कुरा कालान्तरमा स्पष्ट हुन्छ ।

प्रकाशित मिति: मंगलबार, मंसिर २, २०८२

प्रतिक्रिया दिनुहोस्