एनसेलको कर विवादसम्बन्धी मुद्दा स्थगित
काठमाडाैँ : एनसेलको कर विवादसम्बन्धी मुद्दा स्थगितको सूचीमा परेको छ ।
ठूला करदाता कार्यालयविरुद्ध एनसेलले दायर गरेको रिट माथि आज सर्वोच्च अदालतमा सुनुवाईका लागि पेशी तोकिएको थियो । तर गोला तान्ने क्रममा एनसेलको विवादित लाभकर सम्बन्धी मुद्दाको पेशी सूची कुनै पनि न्यायाधीशले नतानेपछि मंगलबार पनि स्थगितमा परेको हो ।
मंगलबार स्थगित भएको उक्त मुद्दाको अर्को पेशी फागुन १५ गतेलाई तोकिएको छ ।
ठुला करदाता कार्यालयले ५८ अर्ब रुपैयाँ कर निर्धारण गरेपछि तीन वर्षअघि एनसेल सर्वोच्च पुगेको थियो ।
एनसेलको ८० प्रतिशत शेयर होल्ड गर्ने रेनोल्ड होल्डिङ नामक कम्पनी खरिदबिक्रीका क्रममा कर विवाद भएको थियो । रेनोल्ड होल्डिङको शतप्रतिशत शेयर स्विडेनको टेलियासोनेराले मलेसियन कम्पनी आजियाटालाई बेचेको थियो ।
एनसेलमा ८० प्रतिशत रेनोल्ड होल्डिङ्को शेयर रहेको र रेनोल्डसको शेयरमात्रै किनबेच भएकाले स्वामित्व परिवर्तन भन्न नमिल्ने दावी एनसेलको थियो ।
तर ठूला करदाता कार्यालयले २०७७ मा स्वामित्व परिवर्तन बापत ‘संशोधित कर निर्धारण’ किन नगर्ने भनी एनसेललाई पत्र पठाएको पछि उक्त निर्णय विरुद्ध एनसेल सर्वोच्च अदालत गएको हो ।
२०७२ सालमा एनसेलको ८० प्रतिशत शेयर होल्ड गर्ने रेनोल्ड होल्डिङ नामक कम्पनीलाई टेलियासोनेराले आजिआटालाई बेचेको थियो । तत्कालीन विनिमय दर अनुसार, एक खर्ब ४३ अर्ब ६५ करोड ३७ लाख रुपैयाँ पुँजीगत लाभ गरेको भनी त्यसका आधारमा कर निर्धारण गरेको थियो ।
एनसेलले दायर गरेको मुद्दा अन्तर्राष्ट्रिय मध्यस्थकर्ताकोमा विचाराधीन रहेको भन्दै यस अघि महान्यायाधिवक्ता कार्यालयले रिट निवेदन माथिको सुनुवाइ स्थगित गर्न अनुरोध गर्दै आएको थियो ।
एनसेलले कर निर्धारण विरुद्ध लगानी सम्बन्धी विवाद समाधान गर्ने निकाय इन्टरनेशनल सेन्टर फर द सेटलमेन्ट अफ इन्भेष्टमेन्ट डिस्प्यूट(आईसीएसआईडी)मा मुद्दा दायर गरेको थियो ।
कर निर्धारण प्रक्रिया अघि बढेपछि २०७७ माघमा एन्सेलले अर्को मुद्दा पनि दायर गरेको थियो । सर्वोच्च अदालतले दुवै मुद्दा एकसाथ राखेर हेर्ने आदेश गरेको थियो । सर्वोच्च अदालतमा दायर रिट निवेदनको सुनुवाइको मिति नजिकिदै गर्दा आजियाटाले शेयर बेचेको सूचना सार्वजनिक भएको थियो ।
अहिले पनि आजिआयटले एनसेलमा रहेको सेयर स्पक्टे«लाइट युकेलाई खरिद मूल्य भन्दा ९६ प्रतिशत कममा बिक्रि गरेपछि कर छल्न खोजेको आशंका उब्जीएको छ ।
आज ७३औँ कानुन दिवस
राष्ट्रपति रामचन्द्र पौडेलको प्रमुख आतिथ्य तथा विशिष्ट अतिथि प्रधानमन्त्री केपी शर्मा ओलीको उपस्थितिमा सर्वोच्च अदालतको आयोजनामा आज अपराह्न यहाँ विशेष कार्यक्रम गरी यो दिवस मनाइँदै छ । शुक्रबार, वैशाख २६, २०८२
मधेस प्रदेशमा मंगलबार सार्वजनिक बिदा
गृह, सञ्चार तथा कानुन मन्त्रालयका उपसचिव गणेश नायकद्वारा यही वैशाख २१ गते जारी सूचनाअनुसार यही वैशाख २३ गते मंगलबार जानकी नवमी (सीता जयन्ती) र आगामी जेठ २८ गते... सोमबार, वैशाख २२, २०८२
अपहरणको अभियोगमा नाबालकसहित ४ जना पक्राउ
पर्सा जिल्ला अदालतबाट बुधबार शरीर बन्धकसम्बन्धी कसुरमा पाँच दिन हिरासतमा राखेर अनुसन्धान गर्न अनुमति लिइएको सूचना अधिकारी भट्टले बताए । बिहीबार, वैशाख १८, २०८२
रेशम चौधरी पक्राउ परेपछि नाउपा र जनमत पार्टीको एकता घोषणा स्थगित
बुधबार जनमत पार्टी र नागरिक उन्मुक्ति पार्टीबीच एकता घोषणा गर्ने तयारी थियो । सोहीअनुरुप विभिन्न तहका नेता कार्यकर्तालाई राजधानीको कमलादीस्थित प्रज्ञा भवनमा बोलाइएको थियो । नेता कार्यकर्ताहरु पज्ञा... बुधबार, वैशाख १७, २०८२भर्खरै
- डिम्यानको ‘उद्यमीमा ऊर्जा, अर्थतन्त्रमा आशा’ बहस आइतबार, प्रधानमन्त्री ओलीले उद्घाटन गर्ने
- ‘भारत र पाकिस्तान युद्धविरामका लागि सहमत’
- भारत र पाकिस्तान युद्धविरामका लागि सहमत भएः अमेरिकी राष्ट्रपति ट्रम्प
- उदयपुरका प्रहरी सहायक निरीक्षकको सुनसरीमा पिकअप दुर्घटनामा मृत्यु
- पाकिस्तानसँगको द्वन्द्वका कारण भारतका दर्जनौं विमानस्थल अस्थायी रूपमा बन्द
- मैले बाघको सङ्ख्या बढाउनु पर्दैन भन्दा कुरै नबुझी गलत टिप्पणी गरियोः प्रधानमन्त्री ओली
- माग सम्बोधन नभए समानान्तर नागरिक आयोग गठन गर्ने द्वन्द पीडितको चेतावनी
- फिफाको नयाँ निर्णयः सन् २०३१ देखि महिला विश्वकपमा ४८ टोली सहभागी हुने
