टिकटकलाई नेपालमा दर्ता गर्नका लागि टिकटककाे पत्राचार

काठमाडाैँ : टिकटकले टिकटकलाई नेपालमा दर्ता गर्नका लागि पत्राचार गरेको छ । 

Watch On

सरकारले सामाजिक सञ्जालको प्रयोगलाई नियमन गर्ने निर्देशिका २०८० जारी गरेपछि कम्पनीले टिकटलाई नेपालमा दर्ता गर्न पत्राचार गरेको हो । 

टिकटकले नेपालमा कम्पनी दर्ता गर्नका लाागि पत्राचार गरेपनि सरकारले भने उक्त माध्यमले सामाजिक विकृति फैलाएको भन्दै बन्द गरेको छ । 

टिकटक बन्द गरेसँगै टिकटकले दुरसञ्चार प्राधिकरणलाई सम्बोधन गरेर  टिकटक बन्द गर्ने नेपाल सरकारको निर्णय विचार र अभिव्यक्तिको स्वतन्त्रको विरुद्धमा रहेको टिप्पणी गर्दै पत्र पठाएकाे थियो । टिकटकले सात बुँदामा विगतमा नेपालमा सरकारसँग भएका समझदारीहरू उल्लेख गरेर असन्तुष्टिसहितको पत्र पठाएको हो।

नेपाल सरकारलाई टिकटकको पत्र

नेपाल दूरसञ्चार प्राधिकरणलाई १३ अक्टोबरमा पत्र लेखेर टिकटकको दक्षिण एशियाका लागि सार्वजनिक नीति र सरकारसँगको सम्बन्ध हेर्ने प्रमुख फर्डोस मोटाकिनले पर्याप्त आधार बिना नै सरकारले अनुचित रुपमा टिकटक बन्द गरेको उल्लेख गरेको थियो ।

त्यस्तै पत्रमा टिकटकले नेपाल सरकारका हरेक चासोहरूलाई सम्बोधन गर्न आफूहरू तयार रहेको उल्लेख समेत गरेको थियो ।

सरकारले २७ कात्तिकमा सामाजिक सद्भाव र वातावरणमा खलल पुर्याउन भूमिका खेलेको जिकिर सहित टिकटक बन्द गर्ने निर्णय गरेको थियो।  

सरकारले गरेकाे टिकटक प्रतिबन्धविरुद्ध सर्वोच्चमा १० बढी रिट निवेदन दर्ता भएका छन् । जुन मुद्दा विचारधीन छन् ।